medium

large

thumbnail

1536x1536

2048x2048

small

custom-size

Ætla að færa Gauragang á fjalirnar í vor

Drengir koma oftar við sögu

Brák og Búðingar munu byggja í Stykkishólmi

Ný borhola tekin í notkun í Bæjarsveit

Snæfell vann Skallagrím í spennuleik

Vinnuslys á Snæfellsnesi

core/heading

<h2>Rætt við Jónný Heklu Hjaltadóttur listakonu í Borgarnesi en hún myndskreytir um þessar mundir Egils sögu</h2>

core/paragraph

Jónný Hekla Hjaltadóttir hefur alltaf á sínum 28 árum haft mikla ástríðu til að skapa. „Mér líður bara illa ef ég fæ ekki að tjá mig í gegnum list í svolítinn tíma. Ég er að vinna í hinum ýmsu verkefnum, til dæmis er ég að myndskreyta barnabók fyrir rithöfund, myndasögu um Axlar-Björn, myndasögu um Djáknann á Myrká og ýmislegt fleira. Mitt helsta markmið er að skapa sem mest,“ segir Jónný.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Kveikir-vonandi-ahuga-ungmenna-a-Islendingasogum_1-1200x1386.png" alt="" class="wp-image-87846"/><figcaption>Jónný Hekla Hjaltadóttir.</figcaption></figure>

Hálf ævin farið í að bæta mig

Flest ungmenni krota og teikna frá unga aldri en margir missa áhugann smám saman og fara að einbeita sér að öðru. „Áhuginn hvarf bara aldrei hjá mér. Ég byrjaði að taka list alvarlega þegar ég var fjórtán ára og lagði mig alla fram við að bæta mig. Ég er 28 ára, sem þýðir að hálf ævin hefur farið í það að bæta mig. Ekki voru teikningarnar beint fagmannlegar fyrstu árin, en þær hafa skánað í gegnum tíðina og munu halda áfram að gera það í framtíðinni,“ segir Jónný. En hvaðan kom þessi áhugi á Íslendingasögum? „Ég hef ætíð haft gaman af Íslendingasögunum, þá sérstaklega Egils sögu. Við byrjuðum að læra um hana í annað hvort þriðja eða fjórða bekk eftir því sem ég man best og það var alltaf eitthvað sem heillaði mig um tíma víkinga og ævintýri þeirra,“ segir Jónný.

Jónný er þessa dagana að vinna í að skapa persónurnar og æfa stílinn sem mun fylgja sögunni. „Ég er ekki byrjuð á sjálfri myndasögunni, því ég vil ganga úr skugga að ég sé með réttar upplýsingar og þekki söguna alveg með því að efnagreina hana og lesa hana mörgum sinnum. Planið er að fara vonandi út til Noregs og Englands til að sjá sögusviðið. Mig langar til að skoða til dæmis svæðin þar sem Skallagrímur fæddist, hvar Egill sat í fangaklefanum og orti Höfuðlausn, umhverfið þar sem Egill barðist með Englandskonungi, staðurinn sem Þórólfur Skallagrímsson lét lífið og fleiri atburði sem tengjast sögunni,“ nefnir Jónný. Hún er ekki búin að ákveða hvenær þessi ferð verður farin en telur líklegt að það verði nú í sumar eða næsta haust.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Kveikir-vonandi-ahuga-ungmenna-a-Islendingasogum_2-1200x1236.jpg" alt="" class="wp-image-87847"/><figcaption>Vandaðar teikningar Jónnýjar úr Egils sögu.</figcaption></figure>

Jónný segir að þetta verkefni sé umfangsmikið en hún sé vel skipulögð. „Egils saga er ekkert smá verkefni þannig að ég sé fyrir mér að það taki mig í það minnsta fimm ár að teikna hana alla. Hugsunin er að gefa út syrpu, um það bil á milli 200 og 500 blaðsíður á hverju ári en það kemur betur í ljós þegar ég verð byrjuð, nefnir Jónný og bætir við: „Það er planið að myndskreyta fleiri Íslendingasögur en ég get eiginlega ekki valið á milli sagna, en ég er dálítið hrifin af Snorra sögu og einnig hef ég áhuga á að myndskreyta Gísla Sögu Súrssonar af því að sú saga var í uppáhaldi hennar frænku minnar heitinnar. Ég geri það til að heiðra minningu hennar. Ég tel að það er mikilvægt að varðveita þessar sögur sem lengst og ég vonast til að myndasögurnar mínar kveiki áhuga ungmenna á Íslendingasögum og jafnvel kannski hjálpa til að bæta orðaforða unglinga,“ segir Jónny.

Framtíðarmarkmið

Jónný gaf sjálfstætt út litabókina Dalalæðu en hún segist vera með fleiri járn í eldinum. „Sennilega gef ég út myndasögur sem byggðar verða á íslenskum þjóðsögum á næstu árum. Til dæmis er myndasaga um Djáknann á Myrká eitthvað sem ég vil vinna í inn á milli. Ég hef ekki enn haldið sýningu, en ég geri það sennilega á næstu árum því það hafa sumir spurt mig; „Jæja, hvenær ætlarðu að halda sýningu?“ Þannig að það er framtíðarmarkmið. En áhugasamir geta fylgst með mér á samfélagsmiðlum,“ segir Jónný að lokum.

Fréttaveita Vesturlands

Kveikir vonandi áhuga ungmenna á Íslendingasögum