medium

large

thumbnail

1536x1536

2048x2048

small

custom-size

Sjálfstæðisflokkurinn stærstur í NV-kjördæmi

Útskriftarnemar í FVA fóru á flakk

Hitamet í febrúar frá upphafi mælinga

Veður versnar í kvöld og enn meira á morgun

Kynntu verkefnaskrá þings sem kemur saman í dag

Fjöldi sláturfjár ekki verið minni síðan 1954

core/paragraph

<p>Nýverið var byrjað að kynda íþróttamiðstöðina og grunnskólann í Grundarfirði með jarðvarma í stað olíu eins og áður. Blaðamanni Skessuhorns lék forvitni á að vita hvernig svona tækni virkar og setti sig í samband við Sigurbjart Loftsson byggingafræðing sem hefur verið með puttana í þessu verki frá upphafi. Þessi leið til kyndingar var valin eftir að tíu holur voru boraðar sem flestar skiluðu varma, þótt ekki væri komið niður á rennandi vatn.</p>

<p>„Varmadæla sem notar jarðvarma virkar eins og kælikerfi sem er snúið við. Svona öfugt við venjulegan ísskáp ef svo má segja,“ segir Sigurbjartur er hann reynir að útskýra tæknina. Rör eru lögð um það bil 230 metra ofan í jörðina þar sem jarðvegurinn er tiltölulega hlýr. Vökvi rennur í gegnum þessi rör í lokuðu kerfi og grípa þannig varmann úr jarðveginum ofan í holunni. „Varminn er svo fluttur með vökvanum til varmadælunnar sem er inni í íþróttahúsinu þar sem vökvinn hitnar þegar hann fer inn í þjöppu sem eykur þrýsting og hitar mjög mikið.“ Þetta segir Sigurbjartur að geri varmann nothæfan til upphitunar í ofnakerfi eða gólfhita. „Þetta gengur svo í hringrás til að sækja sífellt nýjan varma úr jarðveginum,“ bætir Sigurbjartur við. Þetta er mjög hagkvæmt þar sem jörðin heldur stöðugum hita allan ársins hring svo varmadælan getur unnið orku allt árið. Endanlegur orkusparnaður fyrir bæjarsjóð mun síðan koma í ljós með tíð og tíma eftir því sem reynsla kemur á kerfið.</p>

Varmadælan í Grundarfirði lofar góðu