medium

large

thumbnail

1536x1536

2048x2048

small

custom-size

Stuðst við gervigreind til að spá fyrir um fjölda ferðamanna

Fjáröflunarleikur í Borgarnesi á morgun

Árleg vitundarvakning Krafts að hefjst

Að breyta áfalli í sóknarfæri

Verulegur samdráttur í úthlutuðum byggðakvóta

Líklega sá eini sem hefur stjórnun briddsmóta að aðalstarfi

core/paragraph

ÍA og KFG áttust við í 1. deild karla í körfuknattleik á föstudagskvöldið og var viðureignin í íþróttahúsinu við Vesturgötu. Heimamenn byrjuðu af krafti og komust í 10:2 í byrjun leiks en síðan náðu gestirnir úr Garðabæ að koma til baka og minnka muninn í tvö stig eftir tæpan þriggja mínútna leik, staðan 15:13. Þá tóku Skagamenn sig til og náðu 22-9 áhlaupi fram að lokum fyrsta leikhluta og þeir komnir með 15 stiga forskot, 37:22. Þeir gulklæddu voru ekkert á því að gefa neitt eftir í öðrum leikhluta, þeir skoruðu átta stig í röð á fyrstu mínútunni og alveg ljóst hvert stefndi. Þegar rúmar fimm mínútur voru liðnar munaði 20 stigum á liðunum, 55:35, og þegar flautað var til hálfleiks var staðan svipuð, 69:44.

Í þriðja leikhluta var munurinn á milli liðanna yfirleitt í kringum 20 stigin, stigataflan sýndi 79:59 um miðja vegu og fyrir fjórða og síðasta fjórðunginn var munurinn akkúrat 20 stig, 88:68. Skagamenn bættu síðan bara í þegar komið var í fjórða leikhluta, þeir sýndu styrk sinn og mátt og náðu að komast yfir 100 stiga múrinn með körfu frá fyrirliðanum Lucien Christofis þegar fimm mínútur voru eftir af leiknum, 102:78. Leikmenn ÍA voru ekkert á því að stíga þarna af bensíngjöfinni, þeir skoruðu síðan tíu stig í röð og fögnuðu að lokum þrjátíu stiga sigri, lokatölur 114:84 ÍA í vil.

Victor Bafutto var atkvæðamestur hjá ÍA með 19 stig og 11 fráköst, Lucien Christofis skoraði 17 stig og tók 10 fráköst, Kinyon Hodges var með 16 stig, Kristófer Máni Gíslason og Aron Elvar Dagsson með 14 stig hvor og Hjörtur Hrafnsson með 12 stig. Hjá KFG var Deangelo Epps með 30 stig og 10 fráköst og Björn Skúli Birnisson með 28 stig.

Ármann og Hamar eru í 1.-2. sæti í deildinni með 22 stig eftir 14 leiki en ÍA er í þriðja sæti með 20 stig og Sindri í því fjórða með 18 stig, bæði eftir 13 leiki. Efsta liðið að loknum 22 umferðum fer beint upp í efstu deild, Subway deildina, en liðin í sætum tvö til níu fara í úrslitakeppni um hitt lausa sætið. Næsti leikur ÍA er á móti Þór Akureyri næsta föstudag í Höllinni fyrir norðan og hefst klukkan 19.15.

Fréttaveita Vesturlands

Fimmti sigurinn í röð hjá ÍA