medium

large

thumbnail

1536x1536

2048x2048

small

custom-size

Úthlutað úr Íþróttasjóði ríkisins

Bókasafninu lokað tímabundið

80´s kvöld í Bíóhöllinni á föstudaginn

Félagsmenn Visku sjá tækifæri til hagræðingar hjá hinu opinbera

Óvissa ríkir um rekstraraðila Baldurs

Straumlaust var í öllu Borgarnesi í morgun

core/paragraph

Í gær, 12. janúar, voru 45 ár síðan félagsmiðstöðin Arnardalur opnaði fyrst dyr sínar fyrir börnum og ungmennum Akraneskaupstaðar. Þetta kemur fram í færslu á fésbókarsíðu Arnardals.

Þar segir að síðastliðin 45 ár hafa húsakynni Arnardals verið eins og annað heimili margra og bera margir sterkar taugar til félagsmiðstöðvarinnar sinnar. „Gleði, væntumþykja, víðsýni, lýðræði, vinátta, sköpunargleði, samstarf og jákvæðni hafa verið rauður þráður alls þess fjölbreytta starfs sem unnið hefur verið undir formerkjum Arnardals. Hugsjónir frumkvöðla í æskulýðsstarfi skiluðu sterkum grunni sem skapaði faglegt æskulýðsstarf og dásamlegar hefðir í félagsmiðstöðvalífi barna og ungmenna á Akranesi. Tímarnir breytast og félagsmiðstöðin með. Unglingamenning breytist eins og íslenskt sumarveður og því hefur ávallt verið skýrt leiðarljós þeirra í forstöðu hverju sinni að vera lausnarmiðuð og sveigjanleg í nálgun í öllu starfi með ungu fólki.“

Fram kemur í færslunni að Félagsmiðstöðin Arnardalur mun á þessum tímamótum nýta afmælisárið til þess að staldra við og líta um öxl. Fyrsta skrefið var tekið í fyrstu viku ársins þegar starfsmenn Arnardals afhentu Ljósmyndasafni Akraness allar ljósmyndir sem safnast hafa saman í gegnum árin. „Með því viljum við varðveita ríka sögu félagsmiðstöðvarinnar og munum við deila þeirri sögu með ykkur öllum. Hipp, hipp húrra fyrir ungu fólki, þá og nú,“ segir að lokum í færslunni.

Félagsmiðstöðin Arnardalur fagnar 45 ára afmæli