medium

large

thumbnail

1536x1536

small

custom-size

Kynntu verkefnaskrá þings sem kemur saman í dag

Fjöldi sláturfjár ekki verið minni síðan 1954

Kristbjörg Ragney vann Söngvarakeppni GBF

2048x2048

Vilja varmadælur í grunnskólann í Ólafsvík

Veghefill valt

Heiðar Árni og Vildís Þrá til starfa við búskap LbhÍ

core/paragraph

Fyrsti leikur 1. deildar karla í körfubolta á nýju ári fór fram í gærkvöldi en Snæfell tók þá á móti Fjölni í Stykkishólmi. Snæfell var fyrir leikinn með sex stig í deildinni en Fjölnir með átta.

Snæfell byrjaði leikinn af miklum krafti og var með fínt forskot þegar fyrsti leikhluti var hálfnaður, 12-6, en gestirnir frá Grafarvogi tóku þá 4-11 áhlaup og náðu forystu þegar lítið var eftir af leikhlutanum. Leikurinn var í járnum en Fjölnir náði forystu undir lok leikhlutans og leiddu með fimm stigum, 23-28 eftir hann.

Varnarleikur Fjölnis tók að herðast í öðrum leikhluta og náðu þeir fljótlega þrettán stiga forystu, 23-36 og þurfti Gunnlaugur Smárason þjálfari Snæfells að taka leikhlé. Snæfell lagaði örlítið stöðuna en gestirnir voru komnir á góða siglingu í hálfleiknum og fóru inn í búningsklefa í hálfleik með góða forystu, 35-46.

Leikmenn Fjölnis virtust vera að gera út um leikinn strax í byrjun seinni hálfleiks þar sem þeir voru að hitta vel í sókn og spiluðu grimman varnarleik og var staðan eftir eingöngu tvær mínútur, 39-59. Áhlaupum Snæfells var ávallt svarað með körfu frá Fjölni en heimamenn náðu samt sem áður að minnka muninn fyrir síðasta leikhlutann í 57-70.

Snæfell minnkaði muninn strax í tíu stig í byrjun loka leikhlutans en gestirnir hertu þá tökin á varnarleik sínum og skoruðu næstu átta. Fjölnir hélt forystu sinni út leikhlutann og vann að lokum sannfærandi sigur, 76-88.

Stigahæstur í liði Snæfells var Alex Rafn Guðlaugsson með 18 stig, Alejandro Raposa var með 13 stig, Khalyl Waters skoraði 12 stig og tók 10 fráköst, Ísak Örn Baldursson var með 11 stig og Juan Navarro skoraði 10 stig og tók 15 fráköst. Hjá Fjölni var Sigvaldi Eggertsson með 29 stig, Arnþór Freyr Guðmundsson var með 13 stig og Lewis Diankulu skoraði 11 stig og tók 14 fráköst.

Næsti leikur Snæfells er gegn Ármanni í dag, miðvikudaginn 15. janúar, í Reykjavík.

Fréttaveita Vesturlands

Snæfell með tap í fyrsta leik ársins