Frá því í nótt og þangað til í fyrramálið er gul viðvörun í gildi víða um sunnan- og vestanvert landið og m.a. við Faxaflóa og Breiðafjörð vegna hvassviðris og asahláku. „Suðaustan hvassviðri eða stormur og talsverð riging. Búast má við miklum leysingum, auknu afrennsli og vatnavöxtum í ám og lækjum. Mikil hálka getur myndast þar sem rignir á klakabunka eða þjappaðan snjó. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Fólk er hvatt til að sýna aðgát og fylgjast með veðurspám."