medium

large

thumbnail

1536x1536

2048x2048

small

custom-size

Guðmundur SH 235 kominn til heimahafnar

Alexandra Björg er íþróttamaður Grundarfjarðar 2024

Asahláka og hvassviðri í nótt

Kveiktu varðeld á skólalóðinni

Samþykktu tekjumörk vegna afsláttar af fasteignaskatti

Metár að baki í fiskeldi hér á landi

core/paragraph

Þetta eru orð Birnu G. Konráðsdóttur sem undir lok síðasta árs gaf út sína fyrstu bók. „Þarna er ég meðal annars að vísa til þess að Bjarni Guðmundsson prófessor emeritus á Hvanneyri hefur gefið út fjölda bóka líkt og fleiri skólamenn sem búið hafa hér á staðnum,“ segir Birna sem nú hefur sent frá sér smásagnasafnið Hamingjan í Hillunum.

„Undirbúningur að útgáfu þessarar bókar var raunar afar skammur,“ segir Birna. „Ég er á námskeiði þar sem fólki er m.a. kennt að gefa út sína eigin bók. Ég er með stóra bók í vinnslu og komin með ritstjóra að henni, en ætlaði alls ekkert að gefa út núna. En námskeiðshaldarinn hvatti mig eindregið áfram enda hafði viðkomandi komist á snoðir um að ég ætti mikið til af óútgefnu efni. Svo ég ákvað bara að slá til og setti saman í eina bók. Í henni eru þrjátíu smá- og örsögur sem ég átti tilbúnar,“ segir Birna.

Hún getur þess að það hafa verið bras að fá prentun á bókinni. „Ég ætlaði að láta prenta hana erlendis en það gekk allt í basli. Ég var hins vegar búin að lýsa því yfir að bók væri að koma frá mér svo ég vildi endilega standa við orð mín. Þá rak á fjörur mínar prentsmiðja, SkyndiPrent, sem gerðu mér tilboð. Ekki alveg eins hagstætt eins og hið erlenda, en ég mat það svo að mikilvægara væri fyrir mig að standa við orð mín, svo þeir björguðu mér alveg, en naumt var það. Klukkan rúmlega fimm síðdegis, föstudaginn 20. desember, kom eiginmaðurinn, Brynjar H. Sæmundsson, heim með fullan bíl af bókum og klukkan 20 sama dag hélt ég bókarkynningu í Skemmunni hér á Hvanneyri. Daginn eftir bauð ég svo upp á áritun bóka í Hyrnutorgi í Borgarnesi. Og ég er hrærð og algjörlega undrandi yfir þessum frábæru viðtökum sem bókin hefur fengið. Ég fæ góðar umsagnir nær daglega frá ánægðum kaupendum svo ég er bara í sjöunda himni,“ segir Birna.

Birna sem meðal annars hefur starfað við blaðamennsku á Borgfirðingi og Skessuhorni auk þess að vera virkur bloggari, er því langt frá því ókunn ritun af ýmsu tagi. Nú sé hún hins vegar bara rétt að hefja formlega útgáfustarfsemi. „Það er sagt að ekkert selji bækur betur en önnur bók. Svo, eins og ég sagði áðan, er ritstjóri farinn að vinna næstu bók eftir mig. Það ætti að vera óhætt að upplýsa um vinnuheiti hennar núna sem er „Þegar málæðið rann af mér“ og vitna ég þar til þess þegar ég missti raddbönd og barkakýli í klærnar á krabba fyrir þremur árum. Ekkert meira verður gefið upp að sinni um innihaldið,“ segir hún en fullyrðir að það bíði fleiri bækur. Þá segir hún að búið sé að hanna sölusíðu www.textasmidja.is þar fólk getur keypt bækurnar, hafi það áhuga. „Ég er fljót að skrifa og ímyndunaraflið er nægt, svo kannski verð ég bara eins og Guðrún heitin frá Lundi, framleiði bækur í massavís á gamals aldri, en ég verð lögild eftir nokkra daga,“ segir Birna að lokum í léttum dúr.

Fréttaveita Vesturlands

„Það berast heilmargar sagnir frá Hvanneyri“