medium

large

thumbnail

1536x1536

small

custom-size

Flóð í öllum ám og gul viðvörun í gildi

Adda Sigríður færir sig til Akureyrar

2048x2048

Ferðafólk hætt komið í flóði nærri Kattarhrygg

Brúin yfir Ferjukotssíkin hrundi í morgun

Ásþungi færður niður í tíu tonn á nokkrum vegum á Snæfellsnesi

Mynd af Ólafsvíkurvelli meðal bestu íþróttaljósmynda ársins

core/paragraph

Stefán Broddi Guðjónsson, sveitarstjóri Borgarbyggðar, birti grein í byrjun nýs árs á vef Borgarbyggðar sem ber titilinn „Sjónarmið í orkumálum.“ Þar kemur fram að aukin framleiðsla á endurnýtanlegri orku og tryggur flutningur orku um land allt sé hagsmunamál þjóðarinnar, ein forsenda verðmætasköpunar og aukinna útflutningstekna. Að leggja verði ríka áherslu að tryggt sé að nærsamfélög njóti eðlilegs ávinnings af þeim orkumannvirkjum sem reist eru í viðkomandi samfélagi og það sé hagsmunamál allra landsmanna enda ein forsenda þess að haldið verði áfram að rjúfa kyrrstöðu í málaflokknum.

„Hugmyndir um nýja orkuframleiðslu og öflugra og öruggara dreifikerfi varða skipulagsmál sveitarfélaga. Borgarbyggð er sjötta víðfeðmasta sveitarfélag landsins og víðfeðmasta sveitarfélagið á suðvestanverðu landinu. Orkumál koma því inn á borð sveitarfélagsins með einum eða öðrum hætti. Skipulagsvaldi fylgir rík ábyrgð og ekkert sveitarfélag vill standa í vegi fyrir verðmætasköpun og orkuöryggi í íslensku samfélagi. Framhjá því verður hins vegar ekki litið að mannvirki til orkuvinnslu- og flutninga hafa veruleg áhrif á sín nærsamfélög og rýra oft á tíðum verðmæti í eigu þeirra sem verða fyrir. Það er augljóst að það land sem liggur best til orkudreifingar geymir auðlind með sama hætti og land sem býður upp á kosti til orkuframleiðslu. Það er sanngjarnt að gera kröfu um að slíkt enduspeglist í leiguverði eða matsverði.“

Stefán Broddi kemur inn á það í grein sinni að ein meginástæða þess hve illa hafi gengið að skapa sátt um aukna orkuframleiðslu og -dreifingu sé að ávinningur sveitarfélaga, landeigenda og annarra sem verða fyrir áhrifum hefur ekki verið festur í hendi. „Þessu sjónarmiði er ítrekað haldið á lofti í samskiptum við fyrirtæki í orkuframleiðslu- og flutningi, við þingmenn og ráðherra í málaflokknum. Þetta sjónarmið nýtur sem betur fer vaxandi skilnings. Í tíð fráfarandi ríkisstjórnar var ekki lokið við að skapa nauðsynlega umgjörð um ávinning nærsamfélaga. Ný ríkisstjórn leggur áherslu á aukna orkuöflun, sterkara flutningskerfi og bætta orkunýtni. Í stjórnarsáttmála kemur fram að auðlindastefna verði mótuð þannig að réttlát auðlindagjöld renni til nærsamfélags og að stærri hluti tekna af orkumannvirkjum renni til nærsamfélagsins.“

Stefán Broddi segist binda miklar vonir við að þessi stefna verði útfærð þannig að samfélagslegur ábati og verðmætasköpun sem hlýst af nýjum mannvirkjum í orkuframleiðslu- og dreifingu skili sér með eðlilegum hætti til nærsamfélaga. „Í lokin er rétt að fram komi vegna nýlegs fréttaflutnings að endanleg útfærsla á endurnýjun Holtavörðuheiðarlínu hefur ekki verið tekin til afgreiðslu í sveitarstjórn Borgarbyggðar. Þá kemur fram í vinnslutillögu að nýju aðalskipulagi Borgarbyggðar að ekki verði teknar til umfjöllunar tillögur að vindorkuveri nema þær séu innan nýtingarflokks rammaáætlunar,“ skrifar Stefán Broddi.

Fréttaveita Vesturlands

Segir að ekkert sveitarfélag vilji standa í vegi fyrir verðmætasköpun og orkuöryggi