medium

thumbnail

small

custom-size

Skagamenn mæta Fram í fyrsta leik í Bestu deildinni

large

1536x1536

2048x2048

Fullt út úr dyrum á Vesturlandsmótinu í bridds

Bílaverkstæði Hjalta er nú flutt á Smiðjuvelli

Terra með lægsta tilboðið í sorpútboði Borgarbyggðar

Sveitarfélagið Stykkishólmur ræður í stöðu skipulags- og umhverfisfulltrúa

Skallagrímur heldur áfram að styrkja lið sitt

core/paragraph

Matvælastofnun vill minna fólk á að flugeldar geta valdið dýrum miklum ótta og jafnvel ofsahræðslu. Fólk er eindregið hvatt til að takmarka notkun flugelda við gamlárskvöld og þrettándann, og alls ekki skjóta upp utan leyfilegs tíma. Dýraeigendur þurfa að gera ráðstafanir til að draga úr hættu á að dýrin þeirra verði hrædd eða slasist.

Almenn notkun skotelda er einungis heimil á tímabilinu 28. desember til 6. janúar og þá aðeins frá klukkan tíu að morgni til tíu að kvöldi, að nýársnótt undanskilinni, sbr. reglugerð um skotelda. Í reglugerðinni er líka tilgreint að sérstakt tillit skuli tekið til dýra og að bannað sé að nota skotelda við gripahús.

Hundaeigendur ættu alltaf að hafa hundana í taumi þegar farið er með þá út í þéttbýli eða í nálægð þéttbýlis þessa daga. Þetta á líka við þótt bara sé farið með þá út í garð. Rólegustu hundar geta skyndilega orðið svo hræddir að þeir hlaupa blint í burtu og geta þá farið sér að voða, t.d. lent fyrir bíl eða orðið fyrir annars konar slysum. Mörg sorgleg dæmi eru um að hundar hafi týnst vegna hræðslu við flugelda og sumir jafnvel aldrei fundist aftur.

Nokkur góð ráð fyrir dýraeigendur á þessu tímabili:

Farið í góðan göngutúr með hundana snemma dags, helst utan þéttbýlis.

Veitið dýrunum jákvæða athygli og góða umönnun.

Lokið gluggum, dragið gluggatjöld fyrir og hafið ljós kveikt.

Best er fyrir dýrin að vera á stað sem þau þekkja.

Ekki taka dýrin með á brennur eða í annan gleðskap utandyra.

Hafið samband við dýralækni ef þið teljið nauðsynlegt að fá róandi lyf fyrir gæludýrin.

Hestum á húsi skal gefið vel, hafa ljósin kveikt og jafnvel útvarp í gangi.

Best er að hestar á útigangi séu á svæði sem þeir þekkja og að þeim sé gefið hey.

Fréttaveita Vesturlands

Óskum öllum dýrum gleðilegra áramóta