medium

thumbnail

small

custom-size

Harðasti Liverpool stuðningsmaður á Vesturlandi

Skagamenn mæta Fram í fyrsta leik í Bestu deildinni

large

1536x1536

2048x2048

Fullt út úr dyrum á Vesturlandsmótinu í bridds

Bílaverkstæði Hjalta er nú flutt á Smiðjuvelli

Terra með lægsta tilboðið í sorpútboði Borgarbyggðar

Sveitarfélagið Stykkishólmur ræður í stöðu skipulags- og umhverfisfulltrúa

core/paragraph

Landsnet áformar að reisa allt að 91 km langa 220 kV raflínu, Holtavörðaheiðarlínu 1, á næstu árum. Mun hún liggja frá Klafastöðum í Hvalfirði að nýju tengivirki á Holtavörðuheiði. Í kynningu um verkefnið segir að markmið framkvæmdarinnar sé að; „bæta afhendingaröryggið á byggðalínusvæði og bæta tiltæka afhendingargetu ásamt því að stuðla að orkuskiptum í landinu með því að tengja nýja endurnýjanlega orkuframleiðslu við meginflutningskerfið.“ Í fjölmörgum athugasemdum sem skrifaðar voru um umhverfismatsskýrsluna, og fjallað var um hér á vef Skessuhorns sl. sunnudag, er því haldið fram að búið sé að stækka fyrirhugað mannvirki nýrrar byggðalínu þannig að háspennumöstrin flytji ekki eingöngu 220 kV raflínur, heldur 400 kV. Það eitt og sér myndi þýða að helgunarsvæði á landi umhverfis línuna þyrfti að stækka. Landsnet þvertekur hins vegar fyrir að slík stækkun sé áformuð.

Ekki 400 kV lína

Í skriflegri tilkynningu sem Landsnet sendi Skessuhorni í gær, vegna upphaflegrar umfjöllunar á sunnudaginn á skessuhorn.is um athugasemdir við umhverfismatsskýrsluna, segir: „Það er ekki rétt að Holtavörðuheiðarlínu 1 megi síðar reka á 400 kV spennu og það hefur ekki komið til skoðunar að geta rekið hana á hærri spennu. Til staðfestingar má nefna eftirfarandi atriði - tæknileg atriði:

Það er sama útlit, umfang og hæð mastra í HH1 og öðrum nýlegum 220 kV línum hjá Landsneti (Kolviðarhólslínu 1, Hólasandslína 3, Kröflulína 3, Kröflulína 4 og Þeistareykjalína 1) og eru nú í undirbúningi (Suðurnesjalína 2 og Blöndulína 3). Þær línur sem hafa verið byggðar sem 400 kV línur á Íslandi hafa haft fjarlægð milli aðliggjandi fasa á bilinu 12,75 – 13,25 m en fasabil á HH1 er ráðgert ≈10,3 m, þ.e. sambærilegt við aðrar nýlegar 220 kV línur á Íslandi. Hæð fyrirhugaðra mastra leyfa ekki að breyta henni í 400 kV því þá þarf lengri einangrara og aukna öryggisfjarlægð yfir jörðu. Hæðir leiðara yfir jörðu verða því ekki uppfylltar við eðlilegan rekstur. Innri fjarlægðir (þ.e. yfirsláttur frá leiðandi hluta yfir í jarðtengda hluta mastra) leyfir ekki að breyta HH1 í 400 kV því lengri einangrar og auknar fjarlægðarkröfur verða ekki uppfylltar,“ segir í athugasend Landsnets.

Hvernig sá meinti misskilningur hefur komist á kreik, sem lesa má í fjölmörgum athugasemdum um umhverfismatsskýrsluna um að línan verði 400 kV, skal ósagt látið. Hins vegar er ýmislegt í umhverfismatsskýrslunni sem bendir til að sá möguleiki sé hafður til staðar. Meðal annars er rætt um val á þeim leiðurum sem settir verði upp á möstrin og kann það að skýra efasemdir manna um að væntanleg Holtavörðulína verði um alla eilífð 220 kV. Á einum stað segir: „Í ljósi vaxandi krafna sem gerður eru til flutningsgetu meginflutningskerfisins í kjölfar orkuskipta og þess að full orkuskipti munu raungerast á rekstrartíma nýrrar kynslóðar byggðalínu er mikilvægt að vandað sé til verka við val á leiðara þeirra. Þess vegna hefur verið ákveðið að Holtavörðulína 1 og 3 verði byggðar með duplex leiðurum.“

Fréttaveita Vesturlands

Landsnet þvertekur fyrir að til standi að byggja Holtavörðulínu 1 sem 400 kV línu