medium

large

thumbnail

1536x1536

small

custom-size

Íris Grönfeldt hlaut heiðursmerki Hinnar íslensku fálkaorðu

2048x2048

Áramót í Snæfellsbæ

Kviknaði í flugeldarusli

Gleðilegt nýtt ár!

Minntust látins félaga

Landsnet þvertekur fyrir að til standi að byggja Holtavörðulínu 1 sem 400 kV línu

core/paragraph

Við afgreiðslu fjárhagsáætlunar Akraneskaupstaðar fyrir næsta ár samþykkti meirihluti bæjarstjórnar (D og S) að hækka gjaldskrár um 5,6%, nema annað væri sérstaklega tilgreint í viðkomandi gjaldskrám. T.d. voru gjaldskrár sem tengjast börnum og barnafjölskyldum ekki hækkaðar um meira en 3,5%. Hins vegar hækka fasteignagjöld íbúðarhúsnæðis mun meira, eða um 10,1% að jafnaði, sem er meira en verðbólga síðasta árs. Þar við bætist að fasteignamat hækkar almennt á Akranesi. Gjaldskrá fasteignagjalda á Akranesi er nú hækkuð annað árið í röð en því skal til haga haldið að fasteignagjöld á suðvesturhorni landsins voru þau lægstu á Akranesi árið 2023. Í bókun meirihluta bæjarstjórnar um hækkunina nú segir: „Síðasta ár var álagningarprósenta fasteignagjalda hækkuð og hún verður einnig hækkuð nú í áætlun næsta árs. Í þessu samhengi er mikilvægt að hafa það í huga að fasteignamat húsnæðis á Akranesi hækkar mun minna nú á milli ára en raunin hefur verið á síðustu árum,“ segir í bókun meirihlutans.

Fimmtungur af launahækkun í fasteignaskatt

Vilhjálmur Birgisson formaður VLFA hefur kafað ofan í áhrif hækkunar fasteignagjalda á Akranesi á fjárhag eigenda íbúðarhúsnæði. „Í gögnum bæjarstjórnar kemur fram að fasteignagjöld, miðað við þær forsendur sem eru gefnar á glærum frá bæjarstjóra, eru að hækka hjá þeim sem búa í raðhúsum um 11,56%, hjá þeim sem búa í einbýlishúsum um 12,06% og hjá þeim sem búa í fjölbýlishúsum um 17,6%,“ segir Vilhjálmur og kveðst undrandi yfir því að hækkunin sé mest hjá lægri tekjuhópum, en það býr jafnan í fjölbýlishúsunum. Hann segir launahækkun sem um hefur verið samið í byrjun ársins nema 23.750 krónum. „Að teknu tilliti til skatta standa eftir 15.297 kr. í ráðstöfunartekjur og á mannamáli þýðir þetta að hlutfall hækkunar fasteignagjalda af launahækkuninni hjá þeim sem búa í fjölbýlishúsum, að frádregnum skatti, er 18,4%. Þannig að tæpur fimmtungur af því sem launamaðurinn á að fá í launaumslagið fer „einvörðungu“ í að standa straum af hækkun fasteignagjalda,“ segir Vilhjálmur í samtali við Skessuhorn.

Blaðamaður ákvað að taka dæmi um breytingar á gjöldum. Hann býr í sérhæð í þríbýlishúsi á Akranesi. Milli ára hækkaði fasteignamat íbúðarinnar um 7,12%, fór úr 52.700.000 kr. í 56.450.000 kr. Af íbúðinni verða fasteignagjöldin árið 2025; 153.205 krónur í samanburði við 130.101 krónu árið 2024. Að teknu tilliti til hækkunar fasteignamats og hækkun fasteignaskatts hækkar því fasteignagjald fyrir íbúðina um 17,76% milli ára, eða nánast á pari við þá hækkun sem Vilhjálmur hafði reiknað út fyrir fjölbýlishús í bæjarfélaginu.

Lægri prósenta en lög heimila

Í bókun meirihluta bæjarstjórnar segir að Akraneskaupstaður hafi gengið mjög langt í að lækka þessa skattheimtu um nokkurra ára bil. Þannig var á árinu 2017 álagningarprósentan fyrir íbúðarhúsnæði 0,3611 en verður 0,2714 vegna ársins 2025. „Hámarks álagningarprósenta samkvæmt lögum er 0,5% og því er hægt að segja að Akraneskaupstaður hlífi íbúum sínum verulega við þessari gjaldheimtu og afsali sér þannig talsverðum tekjum með lægri prósentu en lög gera ráð fyrir,“ sögðu fulltrúar meirihlutans í bókun sinni við afgreiðslu fjárhagsáætlunar fyrir 2025. Þrír fulltrúar minnihlutans (B) í bæjarstjórn sátu hjá við afgreiðslu gjaldskrárhækkana, en greiddu atkvæði á móti fjárhagsáætlun í heild sinni.

Á árinu 2025 verður álagsprósentan á Akranesi því eins og fyrr segir 0,2714% af álagningastofni á íbúðarhúsnæði; 1,32% af atvinnuhúsnæði og 1,6146% af öllum öðrum fasteignum.

Fréttaveita Vesturlands

Fasteignagjöld hækka á Akranesi