medium

large

thumbnail

1536x1536

2048x2048

small

custom-size

Hafnarfjall Ultra fjallvegahlaupið tókst með ágætum – myndasyrpa og úrslit

Ágæt stemning á Brákarhátíð og Hinsegin hátíð Vesturlands – myndasyrpa

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

core/paragraph

Snorrastofa í Reykholti býður upp á upplestur og umræður um nýútkomnar bækur í bókhlöðu stofnunarinnar í kvöld, þriðjudaginn 17. desember kl. 20.00.

Þórir Óskarsson mun kynna bók sína „Svipur brotanna“ um líf og list Bjarni Bjarna Thorarensens (1786–1841), sem jafnan er talinn til höfuðskálda Íslendinga. Einkum er hans minnst sem frumkvöðuls innlendrar rómantíkur. Um leið var hann eitt þeirra þjóðskálda 19. aldar sem reyndu að efla sjálfsvitund landsmanna og menningarlegt og pólitískt forræði innan þess fjölþjóðlega danska konungsríkis sem þeir voru þá hluti af. Þórir er bókmenntafræðingur og hefur um langt skeið sinnt rannsóknum á íslenskum bókmenntum 19. aldar.

Óttar Guðmundsson mun síðan lesa upp úr bók sinni „Kallaður var hann kvennamaður“. Sigurður Breiðfjörð skáld og samtímamenn hans eru viðfangsefni hans í þessari bók. Sigurður, sem fæddist í lok 18. aldar í Rifgirðingum í mynni Hvammsfjarðar, var um árabil vinsælasta og mest lesna skáld þjóðarinnar. Drykkjuskapur og annað kæruleysi spilltu þó mjög fyrir skáldinu. Hann lenti í útistöðum við réttvísina vegna tvíkvænismáls sem lagði að lokum líf hans í rúst. Helsti andstæðingur Sigurðar var þjóðskáldið Jónas Hallgrímsson sem réðist harkalega gegn rímunni sem kveðskapaformi.

Í kjölfar kynninganna og upplestursins verða umræður, sem Bergur Þorgeirsson mun stjórna. Aðgangur er ókeypis og eru allir velkomnir. Uppbyggingarsjóður Vesturlands styrkir viðburðinn.

Fréttaveita Vesturlands

Rómantík á bókakvöldi í Snorrastofu í kvöld