medium

large

thumbnail

1536x1536

2048x2048

small

custom-size

Ljósum prýddur Þór í Akraneshöfn

Varasamt veður í nótt og fyrramálið

Ný ríkisstjórn tekin við

Fjölbrautaskóli Vesturlands brautskráði 57 nemendur

Brautskráning frá Fjölbrautaskóla Snæfellinga

Tíkallarnir því við áttum ekki yfir tíu krónum

core/paragraph

Skallagrímur tók á móti Fjölni frá Grafarvogi á föstudaginn í 1. deild karla í körfubolta. Liðin voru jöfn að stigum fyrir leikinn en bæði höfðu unnið þrjá leiki og tapað sjö.

Leikurinn hófst með mikilli flugeldasýningu, í boði gestanna frá Fjölni. Þeir spiluðu ákafan varnarleik, héldu sínum hraða í sóknarleiknum og spiluðu á sínum styrkleika. Eftir eingöngu þrjár mínútur var staðan orðin 0-14 og lítil stemning í Fjósinu. Magnús Engill kom heimamönnum á blað en gestirnir réðu ríkjum alls staðar á vellinum. Heimamenn hittu ekki úr 14 skotum sínum fyrir utan þriggja stiga línuna í fyrsta leikhluta og var Fjölnir með þægilega forystu eftir leikhlutann, staðan 9-29.

Sama var upp á teningnum í öðrum leikhluta. Fjölnismenn voru duglegir að næla sér í sóknarfráköst og þannig fleiri sóknarmöguleika og voru gestirnir komnir með 30 stiga forystu þegar fimm mínútur voru til hálfleiks. Slæmar ákvarðanir, varnar- og sóknarlega auk fjölda tapaðra bolta gerði það að verkum að Skallagrímur var eingöngu með 22 stig í hálfleik gegn 61 stigi hjá Fjölni.

Skallagrímur sýndi betri leik í byrjun seinni hálfleiks en Fjölnir náði ávallt að svara fyrir sig. Fjölnir var með þægilega forystu fyrir loka leikhlutann, 47-83. Lokaleikhlutinn var formsatriði og fengu yngri leikmenn liðanna að spreyta sig. Fjölnir vann að lokum stórsigur í Fjósinu, 67-110.

Stigahæstu leikmenn Skallagríms voru Ishmael Sanders með 17 stig og Magnús Engill var með 13 stig.

Leikmenn Skallagríms eru nú komnir í jólafrí, með þrjá sigurleiki og átta töp. Meiðsli og veikindi hafa litað tímabilið hjá Skallagrími og verður spennandi að sjá liðið fullmannað á nýju ári.

Fréttaveita Vesturlands

Skallagrímur steinlá fyrir Fjölni