medium

large

thumbnail

1536x1536

small

custom-size

Bjarni fjallar um mölun matkorns fyrr á tímum

Stofnuðu Hagsmunasamtök landeigenda vegna Holtavörðuheiðarlínu 1

2048x2048

„Því bollur geta veröldinni breytt“

Með fimmtíu stig fyrir Skallagrím gegn Breiðabliki

Skagakonur unnu stórsigur á Aftureldingu

Optical Studio heimsækir Snæfellsnes á fimmtudaginn

core/heading

<h2>Spjallað við Friðgeir Kára Aðalsteinsson en þessi 16 ára Borgnesingur hefur verið virkur í að skemmta íbúum og gestum í heimabæ sínum undanfarna mánuði með tónlist en einnig er hann yngsti meðlimur Fornbílafélags Borgarfjarðar.</h2>

core/paragraph

Friðgeir Kári Aðalsteinsson er eingöngu 16 ára gamall Borgnesingar og fær bílpróf í maí á næsta ári. Hann keypti Cadillac Deville, árgerð 1992, í sumar en áhugi fyrir fornbílum jókst eftir kaupin. „Áhuginn hefur alltaf verið til staðar síðan ég var krakki og ég hef alltaf dýrkað gamla hluti og gamla tónlist en ég er pínu gömul sál eins og móðir mín segir,“ nefnir Friðgeir og heldur áfram. „Ég sá Cadillacinn auglýstan til sölu á netinu og vissi strax að mig langaði til að kaupa hann en það eina sem eg þurfti að gera var að sannfæra móður mína um að mega kaupa hann. Hún var mjög efins í fyrstu en ég fékk afa minn og pabba með mér í lið um að sannfæra hana og það tókst! Móðir mín spurði hvort að ég gæti ekki bara fundið einhverja gamla druslu frekar, en ég sagði henni að það er annað hvort þessi bíll eða enginn,“ segir Friðgeir og brosir.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/12/Alltaf-dyrkad-gamla-hluti-og-gamla-tonlist_5-1200x900.jpg" alt="" class="wp-image-85826" /><figcaption>Friðgeir nýkominn af fundi Krúser félagsins í Reykjavík.</figcaption></figure>

Félagsskapurinn mjög góður

Friðgeir þurfti geymslupláss fyrir bílinn yfir veturinn og var hann búinn að hafa samband við marga aðila áður en lausn fannst á því. „Mér var svo bent á að geyma bílinn hjá Fornbílafélagi Borgarfjarðar og skilyrðin voru að ég þyrfti að vera meðlimur í félaginu til þess að fá að geyma bílinn. Ég skráði mig í félagið og er félagsskapurinn mjög góður. Það er alltaf verið að tala um eitthvað áhugavert og passar vel við mín áhugamál. Mér hefur verið tekið mjög vel, en þar sem ég er yngstur af öllum, svo áratugum skiptir, þá stend ég pínu sér á báti. En mér þykir mjög gaman að hlusta á þá spjalla,“ nefnir Friðgeir en hann bætir svo við: „Ég sá síðan myndir af félaginu Krúser, félagi áhugamanna um akstur í Reykjavík, og mig langaði að ganga í það félag svo að ég er búinn að skrá mig í það,“ segir hann.

<div class="wp-block-image is-style-default"><figure class="aligncenter size-full"><img src="https://umsjon.skessuhorn.is/wp-content/uploads/2024/12/Alltaf-dyrkad-gamla-hluti-og-gamla-tonlist_2.jpg" alt="" class="wp-image-85827" /><figcaption>Friðgeir og brúðarbíllinn Cadillac Deville.</figcaption></figure></div>

Eftirvænting fyrir bílprófi

Um leið og Cadillacinn lenti á malbikinu í Borgarnesi fékk Friðgeir mikla athygli. „Jafnaldrar mínir hafa tekið bílnum mínum rosalega vel og get ég ekki beðið þangað til að bílprófið er komið í hendurnar, svo að ég geti tekið alla vini mína á rúntinn án þess að vera með annaðhvort foreldrið í framsætinu,“ segir Friðgeir og brosir.

Cadillac Deville bíllinn var strax notaður í sumar í giftingu móður Friðgeirs. „Hann var notaður sem brúðarbíll í sumar og er ég kominn með fyrirspurn um að nota bílinn í annað brúðkaup. Ég myndi líka alveg nota hann sem brúðarbíl þegar ég giftist,“ nefnir Friðgeir. En sér hann fyrir sér að bíllinn verði notaður við fleiri tilefni? „Ég sé fyrir mér að fara með bílinn á Ljósanótt í Reykjanesbæ en þar er alltaf fornbílarúntur. Bíllinn eyðir minna en ég bjóst við, ég þarf ekki að borga nein bifreiðagjöld og það er brunatrygging og almenn trygging sem eru ekki háar. Ég og afi erum búnir að gera ýmislegt fyrir bílinn, en þar sem bíllinn er næstum því í toppstandi þarf lítið að gera fyrir hann,“ nefnir Friðgeir.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/12/Alltaf-dyrkad-gamla-hluti-og-gamla-tonlist_3-1200x900.jpg" alt="" class="wp-image-85828" /><figcaption>Friðgeir og Þorsteinn að spila í Hyrnutorgi.</figcaption></figure>

Byrjaði að spila á hljóðfæri sjö ára

Báðir langafar Friðgeirs spiluðu á harmonikku, þeir Friðgeir frá Hofsstöðum og Rafn Jónsson og er því talsverð tónlist í fjölskyldunni. „Fyrsta hljóðfærið sem ég átti var klassískur gítar sem ég og afi minn fundum á ruslahaugunum í Ólafsvík, en hann var alveg heill og í tösku. Ég byrjaði að læra á gítar, svo færði ég mig yfir á saxafón, fór úr saxafón yfir á píanó og frá píanó til trompets en svo endaði ég aftur á gítar,“ nefnir þessi fjölhæfi tónlistarmaður.

Tuttugu hljóðfæri

Friðgeir hlustar mest á tónlist Vilhjálms Vilhjálmssonar en eftirlætis hljóðfæri hans er 12 strengja gítarinn. „Ég á sjö gítara, einn bassagítar, tvær harmonikkur, eitt rafmagnsorgel, fjórar munnhörpur og svo fullt af smáhljóðfærum. Mitt eftirlætis hljóðfæri að hlusta á er harmonikka,“ nefnir Friðgeir.

Friðgeir Kári og Þorsteinn Logi hafa verið duglegir að skemmta Borgnesingum og gestum þar undanfarna mánuði. „Við værum alveg til í að fá trommara og kannski bassaleikara svo að ég geti komið fram sem sóló gítarleikari og svo kannski að fá einn söngvara í viðbót með okkur,“ segir Friðgeir en hann spilar á bassa á meðan Þorsteinn spilar á gítar og syngur. „Ég er í tónlistarskólanum alla þriðjudaga og reyni alltaf að æfa mig þegar ég hef tíma til þess. Fram undan eru nokkur jólagigg en einnig erum við í Menntaskóla Borgarfjarðar að fara að sýna „Með allt á hreinu“ og þar verður lifandi hljómsveit að spila lögin. Mitt hlutverk í sýningunni verður annað hvort rythma eða sóló gítar eða bassi. Svo ef við fáum fleiri meðlimi með okkur Þorsteini, vona ég að við spilum á stærri viðburðum eða náum að taka þátt í Músiktilraunum. Annars vil ég að lokum koma fram þökkum til þeirra sem hafa sýnt mér stuðning í gegnum líf mitt og einnig er ég mjög þakklátur þeim sem hafa hjálpað okkur Þorsteini með tónlistarmennskuna,“ segir Friðgeir að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/12/Alltaf-dyrkad-gamla-hluti-og-gamla-tonlist_4-1200x823.jpg" alt="" class="wp-image-85829" /><figcaption>Spilandi tónlist á útskrift sinni úr Grunnskóla Borgarness, með hljómsveitinni Mýramönnum.</figcaption></figure>

<div class="wp-block-image is-style-default"><figure class="aligncenter size-full"><img src="https://umsjon.skessuhorn.is/wp-content/uploads/2024/12/Alltaf-dyrkad-gamla-hluti-og-gamla-tonlist_6.jpg" alt="" class="wp-image-85830" /><figcaption>Cadillac Deville.</figcaption></figure></div>

Fréttaveita Vesturlands

Alltaf dýrkað gamla hluti og gamla tónlist