medium

large

thumbnail

1536x1536

2048x2048

small

custom-size

Hildur SH komin til heimahafnar í Rifi

Slæmt ferðaveður frá klukkan 20 á aðfangadagskvöld

Ráðuneyti samgöngu- og sveitarstjórnarmála að nýju

Bókagjöf til Grunnskóla Snæfellsbæjar

Engan sakaði þegar bíll lenti á hliðinni

Óskum gæludýrum gleðilegra jóla!

core/paragraph

KR og Snæfell mættust í 1. deild kvenna í körfuknattleik á föstudagskvöldið og var leikurinn á Meistaravöllum. Það varð strax ljóst að þetta yrði mjög erfitt kvöld fyrir Snæfell því í stöðunni 7:2 fyrir KR skoruðu heimakonur næstu 15 stig og breyttu stöðunni í 22:2 þegar næstum fimm mínútur voru liðnar. Snæfell náði aðeins að rétta úr kútnum á næstu mínútum og staðan var 29:15 eftir fyrsta leikhluta fyrir KR. Annar leikhluti byrjaði ekki vel hjá gestunum því í stöðunni 32:18 náðu KR konur 15-0 áhlaupi og staðan eftir fimm mínútna leik 47:18. Snæfellskonur voru alveg heillum horfnar og áttu erfitt með að bregðast við þessu mótlæti. Þegar flautað var til hálfleiks var staðan hálf vonlaus fyrir Snæfelli, 63:29, og nokkuð ljóst að erfiður seinni hálfleikur biði þeirra.

Það hægðist hins vegar aðeins á KR-ingum í þriðja leikhluta og um miðjan leikhlutann var staðan 73:35 Vesturbæingum í vil. Fyrir fjórða og síðasta fjórðung var munurinn á milli liðanna kominn í 43 stig sem þýddi að staðan var 81:38 og leik nánast lokið. Í fjórða leikhluta fengu varamenn heimakvenna að spjara sig enda mótspyrnan ekki mikil hjá Snæfelli til þessa. KR komst yfir hundrað stiga múrinn þegar þrjár mínútur voru eftir, 101:49, og unnu að lokum 51 stigs sigur, lokatölur 106:55 KR í hag og fimmta tap Snæfells í deildinni í röð súr staðreynd.

Carlotta Ellenrieder var atkvæðamest hjá Snæfelli með 17 stig og 12 fráköst og Danielle Shafer skoraði 14 stig. Hjá KR var Lea Gunnarsdóttir stigahæst með 23 stig, Jessica Wayne var með 20 stig og Rebekka Rut Steingrímsdóttir með 15 stig.

Næsti leikur Snæfells er á móti Stjörnunni u laugardaginn 14. des í Umhyggjuhöllinni í Garðabæ og hefst klukkan 16 að staðartíma.

Fréttaveita Vesturlands

Stór skellur hjá Snæfelli gegn KR