medium

large

thumbnail

1536x1536

2048x2048

small

custom-size

Hildur SH komin til heimahafnar í Rifi

Slæmt ferðaveður frá klukkan 20 á aðfangadagskvöld

Ráðuneyti samgöngu- og sveitarstjórnarmála að nýju

Bókagjöf til Grunnskóla Snæfellsbæjar

Engan sakaði þegar bíll lenti á hliðinni

Óskum gæludýrum gleðilegra jóla!

core/paragraph

ÍA og Fjölnir áttust við á föstudagskvöldið í níundu umferð 1. deildar karla í körfuknattleik og var viðureignin í íþróttahúsinu á Vesturgötu. Skagamenn byrjuðu af krafti og skoruðu fyrstu tíu stig leiksins og þegar rúmar fjórar mínútur voru liðnar var sami munur, staðan 18:8 ÍA í vil. Gestirnir náðu að halda í við heimamenn síðustu mínúturnar í fyrsta leikhluta en hittni liðanna var ekki góð og staðan 26:19 fyrir ÍA eftir fyrsta leikhluta.

Baráttan hélt áfram í öðrum leikhluta og vel tekist á. Fjölnir freistaði þess að reyna að minnka muninn en heimamenn voru fastir fyrir og héldu forskotinu fram að hálfleik, staðan var 51:43 fyrir ÍA þegar liðin tóku spjallið fyrir seinni hlutann.

Skagamenn náðu mest fjórtán stiga forystu í þriðja leikhluta, 70:56, og komu sér í góða stöðu fyrir síðasta fjórðunginn því þegar þeim þriðja lauk sýndi stigataflan 74:62. Heimamenn voru staðráðnir í því að gefa engin grið á sínum heimavelli enda ósigraðir þar hingað til á tímabilinu og skoruðu fyrstu fjögur stigin í fjórða leikhluta sem gaf þeim byr undir báða vængi. Gestirnir reyndu eins og áður í leiknum að koma til baka og tókst það því þeir náðu að minnka muninn í sjö stig, 88:81, þegar tæpar þrjár mínútur voru eftir. En Kinyon Hodges reis þá upp og skoraði sex stig í röð fyrir ÍA og aðeins ein mínúta eftir. Skagamenn fóru létt með að landa sigrinum og unnu að lokum ellefu stiga sigur, 96:85.

Srdan Stojanovic var stigahæstur hjá ÍA með 24 stig, Kinyon Hodges var með 20 stig, Kristófer Már Gíslason með 17 stig og Victor Bafutto skoraði 12 stig og tók 20 fráköst. Hjá Fjölni var Lewis Diankulu með 27 stig, Alston Harris skoraði 22 stig og var með 10 stoðsendingar og Sigvaldi Eggertsson var með 12 stig.

Ármann er í efsta sæti deildarinnar með 16 stig, Sindri er í öðru sæti með 14 stig og Hamar og ÍA eru með 12 stig í 3.- 4. sæti. Næsti leikur ÍA er á móti Ármanni næsta föstudag í Laugardagshöllinni og hefst klukkan 18:45.

Fréttaveita Vesturlands

Skagamenn enn ósigraðir á heimavelli