medium

large

thumbnail

1536x1536

2048x2048

small

custom-size

Slæmt ferðaveður frá klukkan 20 á aðfangadagskvöld

Bókagjöf til Grunnskóla Snæfellsbæjar

Engan sakaði þegar bíll lenti á hliðinni

Óskum gæludýrum gleðilegra jóla!

Ljósum prýddur Þór í Akraneshöfn

Varasamt veður í nótt og fyrramálið

core/paragraph

Skallagrímur tók á móti Breiðabliki í níundu umferð 1. deildar karla í körfubolta á föstudaginn. Heimamenn í Skallagrími voru vel stemmdir í byrjun leiks og var hittni þeirra til fyrirmyndar. En varnarleikur beggja liða var ekki upp á marga fiska og náðu gestirnir í Breiðabliki að koma sér betur inn í leikinn og náðu undirtökum undir lok fyrsta leikhluta en staðan var 20-21, Breiðabliki í vil.

Skallagrímur jafnaði metin í byrjun annars leikhluta en þá tóku gestirnir öll völd á vellinum og fóru í áhlaup, þar sem gestirnir skoruðu 16 stig gegn aðeins 5 stigum heimamanna. Pétur Már þjálfari Skallagríms tók leikhlé til að koma skilaboðum sínum til leikmanna sinna og út úr leikhléinu komu heimamenn yfirvegaðri og einbeittari. Skallagrímur minnkaði muninn hægt og rólega en staðan í hálfleik var 42-45 fyrir Breiðabliki.

Gestirnir frá Kópavogi komu úr hálfleiknum með greinilegt leikskipulag. Að koma boltanum á Maalik Cartwright, miðherja Breiðabliks, en annars að reyna að keyra upp hraðann. Á fjórum mínútum hertu gestirnir vörn sína, spiluðu agaða sókn undir handleiðslu Marínós Þórs Pálmasonar og voru komnir í stöðuna 48-63. Skallagrímur náði að svara örlítið fyrir sig undir lok leikhlutans, með góðum leik frá Hilmi Hallgrímssyni en Skallagrímsmenn voru samt sem áður 14 stigum undir þegar þriðja leikhluta lauk, 59-73.

Leikmenn Skallagríms reyndu að koma með grimmd og ákefð inn í síðasta leikhlutann en liðsmenn Breiðabliks voru ávallt með svar. Breiðablik náði 20 stiga forystu þegar um fimm mínútur voru eftir af leiknum og fengu þá ungir og efnilegir leikmenn að spreyta sig í báðum liðum. Breiðablik sótti góðan sigur í Borgarnesi, lokatölur 81-93.

Ishmael Sanders skoraði 29 stig fyrir Skallagrím og Hilmir Hallgrímsson 22 stig en í liði gestanna var Aytor Alberto stigahæstur með 19 stig og Maalik Cartwright var með 18 stig og 15 fráköst.

Þess má til gamans geta að Marínó Þór Pálmason leikmaður Breiðabliks spilaði gegn yngri bróður sínum í leiknum, honum Sævari Alexander Pálmasyni og kom smá æsingur í Fjósið þegar þeir börðust bróðurlega á velli.

Næsti leikur Skallagríms er gegn Hamri en spilað verður í Hveragerði föstudaginn 6. desember klukkan 19.15.

Fréttaveita Vesturlands

Afleitur þriðji leikhluti banabiti Skallagríms