medium

large

thumbnail

1536x1536

2048x2048

small

custom-size

Húsfyllir á bingói Lighthouse fyrir Styrktarsjóð Ömmu Andreu – myndasyrpa

Hlýindi og leysingar á öllu landinu og hætta á krapaflóðum

Varað er við hvassviðri í dag og asahláku

Úr sarpi – Vigfús fagnar aldarafmæli sínu eftir rétta viku

Óformleg skoðun á sameiningu Dala og Húnaþings vestra

Hafsteinn gaf tónlistarskólanum safn bóka

core/paragraph

Ístak hf. átti lægsta tilboðið í alútboði fyrir fjölnota íþróttahús, knatthús í Borgarnesi og hljóðaði tilboðið upp á 1.754 m.kr. Tilboðið er 95% af kostnaðaráætlun verksins en hún hljóðaði upp á 1.840 m.kr. Þetta kemur fram á heimasíðu Borgarbyggðar.

Tilboð voru opnuð laust fyrir hádegi í gær, fimmtudaginn 28. nóvember. Í verkið buðu ásamt Ístaki, Sjammi ehf. og E. Sigurðsson ehf. Áður hafði farið fram forval vegna alútboðsins þar sem fimm þátttakendur voru valdir til þátttöku í sjálfu alútboðinu. Þar felst m.a. fullnaðarhönnun á húsinu, jarðvinna, uppsteypa og reising burðarvirkis, frágangur utanhúss og innanhúss, frágangur á gervigrasi, hlaupabraut- og göngubraut og frágangur lóðar og að verktaki skili húsinu fullbúnu að utan sem innan.

EFLA er ráðgjafi Borgarbyggðar í verkefninu og nú tekur við yfirferð á tilboðum og tilboðsgögnum áður en ákvörðun verður tekin um val á tilboðum.

Áætlað er að reisa húsið á íþróttasvæði Skallagríms við Þorsteinsgötu. Það mun hýsa hálfan knattspyrnuvöll, æfingaaðstöðu fyrir frjálsar íþróttir og fleira. Frumhönnun gerir ráð fyrir að stærð íþróttasalarins verði 3.800 fermetrar og að húsið verði loftræst og upphitað.

Fréttaveita Vesturlands

Tilboð Ístaks lægst fyrir fjölnota íþróttahús í Borgarnesi