medium

large

thumbnail

1536x1536

2048x2048

small

custom-size

Hvalfjarðarsveit styrkir ÍA

Ferðadagbók frá gönguferð í grunnbúðir Everest

Tilboð opnuð í Melahverfi III í Hvalfjarðarsveit

Gaf upp rangt nafn

Íþróttamaður vikunnar – Leiðinlegast er að fara yfir kerfin fyrir leiki

Söngleikurinn Gott ráð Engilráð í Reykholtskirkju

core/paragraph

Þjóðin velur sér fulltrúa á Alþingi Íslendinga á morgun, laugardag. Á landsvísu eru tíu framboð sem bjóða fram krafta sína. Ef eitthvað er að marka skoðakannanir sem birst hafa má búast við talsverðum sviptingum í fylgi flokka. Fráfarandi ríkisstjórnarflokkar eiga í vök að verjast og róa jafnvel lífróður til að fá lágmarksfylgi. En það eru ekki skoðanakannanir sem gilda, það eru atkvæðin sem upp úr kjörkössunum verða talin sem gera það. Rík áhersla er til að hvetja alla til að nýta lögvarinn rétt sinn og kjósa.

core/freeform

Oddvitar flokkanna tíu sem eru í framboði í Norðvesturkjördæmi komu saman í ráðhússalnum á Akranesi á miðvikudag í síðustu viku. Kjördæmaþátturinn var sendur út á RÚV 2 og aðgengilegur í streymi meðal annars á vef Skessuhorns. Eins og gefur að skilja, í innan við tveggja tíma löngum þætti, voru fá mál sem komust á dagskrá í ljósi þess að tíu þurftu að svara hverri spurningu. Þannig voru málin einungis fjögur sem komust á dagskrá þessa kjördæmafundar. Allan fyrri hluta þáttar var einvörðungu rætt um hvalveiðileyfi og samgöngumál, en í síðari hluta þáttarins laxeldi og raforkumál. Vissulega eru þetta allt mikilvæg mál en hvergi nærri tæmandi um það sem brennur á íbúum. Frambjóðendur hafa á liðnum vikum verið iðnir við að mæta á fundi, skrifa greinar og láta til sín taka sem víðast. Aðdragandi þessara kosninga var óvenjulega skammur og því gildir að nýta allar mögulegar leiðir til að útbreiða stefnur og sjónarmið flokkanna. Skessuhorn vikunnar ber þess glöggt merki.

Blaðamaður Skessuhorns leit við í salnum á miðvikudaginn var og tók meðfylgjandi mynd í fundarhléi af oddvitum framboðanna. Þeir eru f.v: Stefán Vagn Stefánsson Framsóknarflokki, Ugla Stefanía Kristjönudóttir Jónsdóttir Pírötum, María Rut Kristinsdóttir Viðreisn, Guðmundur Hrafn Arngrímsson Sósíalistaflokki, Eyjólfur Ármannsson Flokki fólksins, Ingibjörg Davíðsdóttir Miðflokki, Arna Lára Jónsdóttir Samfylkingu, Álfhildur Leifsdóttir Vinstri grænum, Ólafur Adolfsson Sjálfstæðisflokki og Eldur Smári Kristinsson frá Lýðræðisflokki.

Kosið verður til Alþingis á morgun