Íslenska karlalandsliðið í körfubolta vann frækinn sigur gegn Ítalíu á útivelli í gær. Með sigrinum tók Ísland stórt skref í átt að lokakeppni EM, Eurobasket 2025. Fyrrverandi leikmenn Skallagríms, þeir Bjarni Guðmann Jónsson og Sigrtyggur Arnar Björnsson, léku vel í leiknum. Bjarni skilaði 5 stigum og 2 fráköstum á þeim fjórum mínútum sem hann spilaði en Sigtryggur Arnar skoraði 7 stig á þeim fimm mínútum sem hann spilaði. Ísland var með yfirhöndina allan leikinn og verður spennandi að fylgjast með landsliðinu í næstu leikjum en þeir verða í febrúar á næsta ári.