medium

thumbnail

small

custom-size

Verkefnið Samhugur í Borgarbyggð heldur áfram

large

Nemendur FVA fóru að skoða stjörnurnar

1536x1536

Fánadagur í Borgarnesi

Víðtæk bilun hjá Microsoft

2048x2048

Jólatónleikar Hljómlistarfélagsins

Hafa áhyggjur af vetrarþjónustu

core/paragraph

Á fundi atvinnu- og nýsköpunarnefndar Sveitarfélagsins Stykkishólms þriðjudaginn 19. nóvember sl. voru samgöngumál innan sveitarfélagsins tekin til umræðu. Þar skoraði nefndin á innviðaráðherra, Vegagerðina, þingmenn Norðvesturkjördæmis og umhverfis- og samgöngunefnd Alþingis að leggjast á eitt um að færa framkvæmdir á um Snæfellsnesveg 54 um Skógarströnd framar á samgönguáætlun.

„Það er í raun ótækt að þessi STOFNVEGUR á láglendi, sem enn er að langt stærstum hluta MALARVEGUR, sá eini á Íslandi, sé ekki í sérstökum forgangi í samgönguáætlun. Atvinnu- og nýsköpunarnefnd minnir í því sambandi á að Skógarstrandarvegur er hluti grunnnetsins samkvæmt samgönguáætlun og ætti því að vera forgangsatriði við ráðstöfun fjármuna á samgönguáætlun, líkt og markmið hennar kveða á um, en það endurspeglast hins vegar ekki í fyrirliggjandi drögum/tillögum að samgönguáætlun. Í raun er ótækt að þessi eini stofnvegur á láglendi á Íslandi, sem enn er malarvegur, sé ítrekað látinn sæta afgangi við forgangsröðun fjármuna. Þess er í raun krafist að forgangsröðun fjármuna verði í samræmi við markmið samgönguáætlunar. Það er hreinlega skömm að því að á Íslandi sé til staðar stofnvegur á láglendi sem enn sé malarvegur.

Það er því óhjákvæmilegt að gera kröfu um að fyrirliggjandi samgönguáætlun verði breytt með tilliti til mikilvægis vegarins sem hluta af grunnneti samgöngukerfisins og framkvæmdum verði flýtt inn á fyrsta tímabil áætlunarinnar. Nefndin skorar einnig á Vegagerðina að setja upp teljara á svæðinu svo hægt sé að auka þjónustu í samræmi við umferðarþunga. Einnig er lögð áhersla á endurbætur á Snæfellsnesvegi frá Borgarnesi inn á Snæfellsnes, sér í lagi að endurbætur á Snæfellsnesvegi 54 frá Brúarhrauni að Dalsmynni verði færðar framan í samgönguáætlun. Einnig leggur atvinnu- og nýsköpunarnefnd þunga áherslu á að Stykkishólmsvegur 58 er ónýtur og óviðunandi, sér í lagi frá Stykkishólmi og að Vogsbotni, og er þess krafist að enduruppbygging vegarins verði sett í algjöran forgang,“ segir í fundargerð.

Ósáttir með stöðu Skógarstrandarvegar