KFG og Snæfell áttust við í 1. deild karla í körfuknattleik í gærkvöldi og var viðureignin í Umhyggjuhöllinni í Garðabæ. Gengi Snæfells hafði ekki verið gott undanfarið því þeir voru með sex töp í röð á breiðu bakinu og eflaust staðráðnir í að ná sínum fyrsta sigri eftir allan þennan tíma sem varð svo raunin en síðasti sigurleikur liðsins var í byrjun október gegn Fjölni.