medium

large

thumbnail

1536x1536

small

custom-size

Snæfell náði loks sigri eftir sex tapleiki í röð

Samráðsfundur stjórnenda í velferðarþjónustu

Skallagrímur tapaði á Meistaravöllum

2048x2048

Lionsklúbbur Grundarfjarðar bauð upp á blóðsykursmælingu

Leirulækur er ræktunarbú Borgfirðings 2024

Fjölmenni á baráttufundi kennara

core/paragraph

Lið Hamars og ÍA mættust í 8. umferð fyrstu deildar karla í körfuknattleik í gærkvöldi og fór leikurinn fram í Hveragerði. Liðin voru bæði í efri hluta deildarinnar, Skagamenn voru í þriðja sæti með 10 stig og Hamar þar á eftir ásamt KV og Breiðabliki með 8 stig.

Skagamenn voru sterkari á fyrstu mínútunum og leiddu með sex stigum eftir tæpar fimm mínútur, 6:12. Þeir voru ávallt með frumkvæðið fram að lokum fyrsta leikhluta en þó munaði ekki nema tveimur stigum á liðunum þegar flautan gall, staðan 22:24 ÍA í vil. Það var sama sagan í öðrum leikhluta, gestirnir voru nánast alltaf með forystuna og gerðu vel en heimamenn áttu síðasta orðið og síðustu fimm stigin sem þýddi að þeir fóru inn í hálfleikinn með þriggja stiga forystu, 48:45.

Hamarsmenn hömruðu járnið á meðan það var heitt og náðu fljótlega átta stiga forskoti í þriðja leikhluta, 58:50. Skagamenn voru ekki að hitta vel í framhaldinu, þeir misstu boltann oft frá sér og brutu klaufalega af sér. Hamar gekk á lagið og var komið með 13 stiga forystu undir lokin en Srdan Stojanovic sá til þess að munurinn var tíu stig þegar hann setti niður þrist á síðustu sekúndunni, staðan 70:60 fyrir fjórða og síðasta fjórðung. Í honum fundu Skagamenn taktinn hægt og rólega á ný og náðu að jafna um miðjan fjórða leikhluta, 76:76. Liðin skiptust síðan á næstu mínútum að ná forystu en þegar hálf mínúta var eftir var staðan 84:82 fyir Hamri og þá fóru í gang æsilegar lokamínútur. Undir lokin tóku Skagamenn þrjú þriggja stiga skot og freistuðu þess að stela sigrinum. Þau misstu öll marks en á ótrúlegan hátt hirtu leikmenn ÍA alltaf frákastið og í því þriðja var brotið á Srdan sem fór svellkaldur á vítalínuna og hitti úr báðum skotum sínum á ögurstundu. Þetta þýddi að niðurstaðan var jafntefli, 84:84, og liðin á leið í framlengingu.

Þar voru heimamenn miklu sterkari, náðu 10-0 áhlaupi á fyrstu fjórum mínútunum á meðan Skagamenn voru ískaldir og hittu ekki úr átta skotum í röð sem er ekki vænlegt til árangurs. Hamar fagnaði að lokum öruggum sigri, 96:88, og afar svekkjandi tap fyrir ÍA eftir góðan fjórða leikhluta. Hamar, KV og ÍA eru jöfn í 3.-5. sæti deildarinnar með 10 stig en í tveimur efstu sætunum eru Sindri og Ármann.

Atkvæðamestur hjá ÍA var Srdan Stojanovic sem skoraði 26 stig og tók 11 fráköst, Kinyon Hodges skoraði 20 stig, Lucien Christofis var með 12 stig og Kristófer Gíslason með 10 stig. Hjá Hamri var Jaeden King með 32 stig og 13 fráköst og Jose Aldana var með tvöfalda þrennu en hann skoraði 23 stig, tók 10 fráköst og var með 12 stoðsendingar. Þá skoraði Fotios Lampropoulos 19 stig og Ragnar Nathanaelsson var með 12 stig og tók 13 fráköst. &nbsp;

Næsti leikur ÍA er á móti Fjölni næsta föstudag í íþróttahúsinu við Vesturgötu og hefst klukkan 19.15.

Fréttaveita Vesturlands

Hamar vann sigur á ÍA eftir framlengingu