medium

large

thumbnail

1536x1536

2048x2048

small

custom-size

Níutíu ára Einarsbúð er elsta matvöruverslun landsins

Verkfall boðað í Grundaskóla á Akranesi 6. janúar

Upplestur grunnskólanemenda í Brún

Hótel Varmaland hlýtur vottun frá Vakanum

Nemendur í listdansi fengu að stíga á stóra sviðið

Frambjóðendur í NV kjördæmi hittust á pallborði í gærkvöldi

core/paragraph

Á fundi bæjarráðs Akraneskaupstaðar 14. nóvember voru ýmis mál tekin fyrir. Sjötíu og níu menningarfélag sendi erindi varðandi Þorrablót Skagamanna sem haldið verður 15. febrúar á næsta ári í íþróttahúsinu við Vesturgötu. Óskaði félagið eftir styrk að upphæð 350.000 krónur til að fjármagna Skagaskaupið varðandi kostnað vegna mikillar vinnu við upptökur, klippingu, hljóð og fleira. Bæjarráð samþykkti að styðja hið árlega Þorrablót Skagamanna með sambærilegum hætti og undanfarin ár með endurgjaldlausum afnotum af íþróttamannvirki Akraneskaupstaðar en hafnaði erindi skipuleggjenda um viðbótarfjármagn.

Samtökin Stígamót sóttu um styrk að upphæð kr. 200.000 vegna ársins 2025 og var það samþykkt. Þá sótti Kvennaráðgjöfin, sem sinnir ókeypis félags- og lögfræðiráðgjöf, um 200.000 króna styrk en bæjarráð gat ekki orðið við erindinu.

Skóla- og frístundaráð lagði til við bæjarráð að dansgólf verði endurnýjað í fimleikahúsinu við Vesturgötu ásamt því að fjárfest verði í lendingarbúnaði til að mæta kröfum Fimleikasambands Íslands svo hægt verði að halda Íslandsmót þar. Ráðið lagði til að útgjöldum verði mætt með viðauka við fjárhagsáætlun 2024 að fjárhæð 7.069.748 vegna búnaðarkaupa við fimleikahúsið og að kostnaði vegna þessa verði mætt með ónýttu fjármagni á launaliðum íþróttahússins á Vesturgötu. Bæjarráð samþykkti erindið og viðbótarútgjöld og vísaði viðaukanum til bæjarstjórnar til endanlegrar ákvörðunar.

Bæjarráð tók einnig fyrir beiðni skólastjórnenda Brekkubæjarskóla um viðbótarfjárveitingu vegna kaupa á tækjum og áhöldum. Skóla- og frístundaráð lagði til við bæjarráð að Brekkubæjarskóla verði veitt viðbótarfjárveiting að upphæð kr 638.448 til að bregðast við ófyrirséðum útgjöldum vegna heimilisfræðikennslu og flutninga á matvælum fyrir mötuneyti skólans. Umrædd útgjöld eru tilkomin vegna aðstæðna í skólabyggingunni. Bæjarráð samþykkti erindið og verður fjárheimildin afgreidd með sameiginlegum viðauka sem fyrirhugað er að taka fyrir á fundi bæjarráðs í næstu viku.

Að lokum var rædd niðurgreiðsla á árskorti í sund fyrir eldra fólk á Akranesi og hafði öldungaráð lagt til við Akraneskaupstað að farið yrði svipuð leið og Reykjavíkurborg gerir hvað varðar gjaldtöku árskorta fyrir eldri borgara. Skóla- og frístundaráð tók jákvætt í erindi Öldungaráðs Akraneskaupstaðar og lagði til við bæjarráð að Akraneskaupstaður tæki upp sérstakt árskort fyrir 67 ára og eldri frá og með næstu áramótum. Ráðið lagði til að gjald fyrir slíkt kort verði kr. 5.000. Bæjarráð samþykkti erindið en fram kom í fundargerð að gera þarf ráð fyrir þessum lið í gjaldskrá íþróttamannavirkja. Bæjarráð taldi ákvörðunina á væntar tekjur íþróttamannvirkjanna óverulega og ekki ástæða til breytinga á áætluninni vegna þessa einstaka þáttar í rekstri deildarinnar.

Fréttaveita Vesturlands

Ýmis mál rædd á fundi bæjarráðs Akraneskaupstaðar