medium

large

thumbnail

1536x1536

2048x2048

small

custom-size

Teigasel á Akranesi og Leikskóli Snæfellsbæjar á leið í verkfall

Borgarnes dagatalið 2025 er komið út

Snæfell náði loks sigri eftir sex tapleiki í röð

Samráðsfundur stjórnenda í velferðarþjónustu

Skallagrímur tapaði á Meistaravöllum

Hamar vann sigur á ÍA eftir framlengingu

core/paragraph

Nemendur úr Grunnskóla Borgarfjarðar heimsóttu félaga í Félagi aldraðra í Borgarfjarðardölum í gær. Tilefni heimsóknarinnar var dagur íslenskrar tungu  sem var 16. nóvember á fæðingardegi skáldsins Jónasar Hallgrímssonar. Þetta er skemmtilegur siður sem vonandi lifir sem lengst og er bæði ungum sem öldnum hin besta skemmtan. Að þessu sinni mættu sjö ungmenni frá starfsstöðvunum þremur; Varmalandi, Kleppjárnsreykjum og Hvanneyri ásamt þremur kennurum. Þau glöddu okkur eldri með skemmtilegum og greinargóðum upplestri, sem þau eiga hrós skilið fyrir.

Nemendurnir lásu úr eftirtöldum verkum:  Jólavísum Jóhannesar úr Kötlum, Hestarnir mínir eftir Huldu, Hreindýr eftir Hákon Aðalsteinsson, Loforðið eftir Hrund Þorvaldsdóttur, Gæsahúð eftir Helga Jónsson auk Fuglaþrugls og Naflahrafls eftir Þórarin Eldjárn.

Að loknum lestri þessa glæsilega hóps var þeim boðið til smá veislu, öl og ýmislegt góðgæti, sem húsnefnd hafði veg og vanda af.

Við félagar í FaB þökkum börnunum og kennurum skólans og vonum að þau heimsæki okkur á næstu árum og ef til vill getum við eldri líka heimsótt skólana. „Ungur nemur gamall temur.“

Nemendurnir sem lásu upp í Brún voru Davyd Rets, Elín Ída Andreudóttir, Daníel Fjeldsted Axelsson, Elísabet Ýr Vigfúsdóttir, Sunna Karen Arnardóttir, Bergdís Ingunn Einarsdóttir og Þórdís Inga Bjarnadóttir.

Flemming Jessen/ Ljósm. Ágúst Elí Ágústsson

Fréttaveita Vesturlands

Upplestur grunnskólanemenda í Brún