medium

large

thumbnail

1536x1536

2048x2048

small

custom-size

Verkfall boðað í Grundaskóla á Akranesi 6. janúar

Upplestur grunnskólanemenda í Brún

Hótel Varmaland hlýtur vottun frá Vakanum

Ýmis mál rædd á fundi bæjarráðs Akraneskaupstaðar

Nemendur í listdansi fengu að stíga á stóra sviðið

Frambjóðendur í NV kjördæmi hittust á pallborði í gærkvöldi

core/heading

<h2>„Við stöndum í mikilli þakkarskuld við fólkið hér í bænum“</h2>

core/paragraph

Í dag er haldið upp á 90 ára afmæli Einarsbúðar við Skagabraut 9-11 á Akranesi. Verslunin hefur frá upphafi verið rekin af sömu fjölskyldu og í stafninum standa nú sem áður hjónin Einar Ólafsson og Erna Guðnadóttir. Boðið var upp á kaffi og kökur í tilefni dagsins og dyggum viðskiptavinum boðið í pakkhúsið þar sem búið var að dúka borð. Einar Ólafsson tók við versluninni árið 1957 og rak hana með móður sinni fyrstu árin. Árið 1964 trúlofa þau Einar og Erna sig og hafa allar götur síðan verið vakin og sofin yfir rekstri verslunarinnar.

Einar rifjar það upp fyrir blaðamanni að faðir hans hafi byrjað verslunarrekstur 21. nóvember árið 1934 í húsi sem hét Ásbyrgi en það stóð á lóðinni þar sem Landsbankahúsið er nú við Akratorg. Frá árinu 1937 til 1946 var reksturinn svo í Staðarfelli, húsinu við Kirkjubraut 1 þar sem Bjarni Þór er nú með gallerí á neðstu hæðinni. Árið 1946 byggir faðir Einars fyrst verslun við Skagabraut 9. Frá þeim tíma hefur Einarsbúð verið stækkuð fimm sinnum, meðal annars út á lóðina númer 11 en síðast var verslunin stækkuð árið 1993.

Einarsbúð er án vafa elsta matvöruverslun sem starfrækt er hér á landi. Fyrirtækið er það næstelsta í bæjarfélaginu, einungis Bifreiðastöð ÞÞÞ er eldri, en hún var stofnuð árið 1927. Engin fyrirtæki eru síðan fyrir þann tíma að Akranes fékk kaupstaðarréttindi árið 1942.

Einar Ólafsson kveðst í samtali við Skessuhorn standa í mikilli þakkarskuld við fólkið á Akranesi en fjölmargar fjölskyldur hafa verið trúar og tryggar í viðskipum við Einarsbúð alla tíð. „Svo höfum við Erna verið einstaklega heppin með starfsfólk sem sumt er búið að starfa hjá okkur svo áratugum skiptir. Það skiptir máli að hafa traust starfsfólk og synir okkur hafa einnig verið okkur stoð og stytta,“ segir Einar Ólafsson.

Af þessu tilefni rifjar Guðni Kristinn sonur þeirra hjóna upp að líklega dugi fingur annarrar handar til að telja þær vikur sem Einar faðir hans hefur tekið sér frí á starfsævinni. Guðni Kristinn segir að verslunin sé rekin á Akranesi en sífellt hafi þjónusta við erlend skip um allt land með matvörur, varahluti og annað, orðið stærri hluti af rekstrinum.

Fréttaveita Vesturlands

Níutíu ára Einarsbúð er elsta matvöruverslun landsins