Nemendur við Listaskóla Borgarfjarðar (í bláu kjólunum) taka við fagnaðarlátum á stóra sviði Borgarleikhússins. Ljósm. Tónlistarskóli Borgarfjarðar.
Nemendur í listdansi fengu að stíga á stóra sviðið
Nemendur við Listaskóla Borgarfjarðar stigu á stóra svið Borgarleikhússins síðastliðið þriðjudagskvöld og sýndu ballett úr Hnotubrjótnum. Alls voru 14 nemendur frá Borgarbyggð sem tóku þátt í sýningunni. Klassíski listdansskólinn og Óskandi tóku höndum saman og settu upp sína eigin útgáfu af hinu klassíska jólaverki en blandað var saman nútíma listdansi og klassískum ballett.