Hótel Varmaland og veitingastaðurinn Calor hafa náð þeim áfanga að hljóta viðurkenningar frá Vakanum. Hótelið uppfyllir nú kröfur Vakans sem fjögurra stjörnu hótel og veitingastaðurinn Calor hefur hlotið gæðavottun Vakans, en Calor er eini gæðavottaði veitingastaðurinn á Vesturlandi. Vottun af þessu tagi undirstrikar skuldbindingu til hágæða þjónustu, sjálfbærni og umhverfisábyrgðar.