Fyrr í dag afhentu Barnaheill – Save the Children á Íslandi, árlega viðurkenningu samtakanna. Hana hlutu tveir að þessu sinni. Annars vegar Andrea Þórunn Björnsdóttir á Akranesi og hins vegar Flotinn – flakkandi félagsmiðstöð. Þetta var í 23. sinn sem Barnaheill veita einstaklingum, verkefnum eða öðrum viðurkenningu fyrir sérstakt framlag í þágu barna og mannréttinda þeirra. Þetta er þó í fyrsta sinn sem tvær viðurkenningar eru afhentar.