Í tilefni af dómi Héraðsdóms Reykjavíkur í gær, þess efnis að breyting Alþingis á búvörulögum var dæmd ólögmæt, hefur Samkeppniseftirlitið ritað bréf til allra afurðastöðva og samtaka þeirra þess efnis að horfið verði frá samruna í greininni án aðkomu Samkeppniseftirlitsins. Samkvæmt dómi héraðsdóms samræmdust undanþáguheimildir búvörulaga ekki stjórnskipunarlögum og öðluðust því ekki lagagildi. „Vegna þessa gildi samkeppnislög því fullum fetum um samstarf og samruna kjötafurðastöðva. Hafi kjötafurðastöðvar því ekki notið neinnar undanþágu frá ákvæðum samkeppnislaga,“ segir í bréfinu.