Frambjóðendur stilltu sér upp með nemendum og kennurum í Fjölbrautaskóla Snæfellinga eftir fund í gærmorgun. F.v. Auður Kjartansdóttir (D), Jóhanna Ösp Einarsdóttir (S), Halla Signý Kristjánsdóttir (B), María Rut Kristinsdóttir (C), Álfhildur Leifsdóttir (V), Jónína Björg Magnúsdóttir (J), Ugla Stefanía Kristjönudóttir Jónsdóttir (P), Friðþjófur Orri Jóhannsson (M), Ingibergur Valgarðsson (O) og Eyjólfur Ármannsson (F). Ljósm. tfk
Frambjóðendur á ferð og flugi
Það er í mörg horn að líta hjá frambjóðendum þeirra tíu flokka sem bjóða fram krafta sína í Norðvesturkjördæmi í alþingiskosningunum eftir tíu daga. Aðdragandi stjórnarslita var skammur og raunverulegur tími til undirbúnings málefnavinnu og að koma boðskap sínum á framfæri sömuleiðis. Frambjóðendur eru því á ferð og flugi, hitta kjósendur á fundum eða á vinnustöðum, ræða málin, kíkja í útihúsin, svara spurningum og láta kjósendur falla fyrir sér. Hér eru nokkrar myndir frá síðustu dögum, valdar af handahófi.