Nemendur og starfsmenn Heiðarskóla í Hvalfjarðarsveit gerðu Degi íslenskrar tungu hátt undir höfði síðasta föstudag. Í upphafi dags var morgunsöngur þar sem minnst var á Jónas Hallgrímsson og sungin alls kyns lög og þar á meðal annars lagið „Það er gott að lesa“ í flutningi Bubba Mortens sem finna má á YouTube. Nemendur spreyttu sig svo í ljóðagerð og voru ljóðin hengd upp á vegg.