Allt frá árinu 1988 hefur Sundfélag Akraness staðið fyrir útvarpsdagskrá fyrstu helgina í aðventu undir nafninu Útvarp Akranes. Engin undantekning er á slíku í ár en útvarpað verður dagana 29. nóvember til 1. desember. „Að venju verður boðið upp á fjölbreytta dagskrá en undirbúningur er í fullum gangi þessa dagana. Meðal útvarpsþátta verður spurningarkeppni fyrirtækjanna. Þáttur um ABBA þar sem 50 ár eru síðan þau sigruðu Júróvision. Allskonar þættir fyrir allskonar fólk.  Á sunnudeginum lýkur útvarpssendingu með viðtali við góða Skagamenn,“ segir í tilkynningu frá félaginu.