Síðastliðinn laugardag var gömlum húsbíl ekið eftir Uxahryggjavegi og áleiðis niður í Lundarreykjadal. Vegurinn er á kortum Vegagerðarinnar merktur „ófær“ og skilgreindur sem sumarvegur. Lokunarpóstar höfðu verið settir upp á þremur stöðum á aðkomuleiðum að veginum, þ.e. í Lundarreykjadal, á Þingvöllum og af Kaldadalsvegi. Svo illa vildi til að runnið hafði úr ræsi á einum stað á veginum og hann því ófær. Ökumaður húsbílsins sá ekki úrrennslið og ók út í skurðinn og varð við það talsvert högg. Sex manns voru í bílnum og voru fjórir þeirra fluttir undir læknishendur, en slösuðust ekki alvarlega samkvæmt heimildum Skessuhorns. Allir viðbragðsaðilar vegna þessa óhapps komu af Suðurlandi.