medium

large

thumbnail

1536x1536

2048x2048

small

custom-size

Málin rædd á skólafundi

Framboðsfundur í beinni hér í kvöld kl. 18:10

Amma Andrea og Flotinn hlutu viðurkenningu Barnaheilla

Fjórða tap Snæfells í röð kom á móti Fjölni

Mikil eftirspurn eftir greiðslumarki í sauðfé

Allnokkrir ökumenn í símanum við aksturinn

core/paragraph

Starfsfólk Veitna er nú langt komið með að skipta út gömlum orkumælum fyrir rafmagn og heitt vatn fyrir nýja snjallmæla. Verkefnið hefur m.a. verið í gangi á höfuðborgarsvæðinu og Suðurlandi. Nú er m.a. unnið við mælaskipti á Akranesi og áætlað að því verkefni ljúki í byrjun næsta árs. Veitur áætla að allir viðskiptavinir verði komnir með snjallmæla um mitt næsta ár. Í heildina er verið að setja upp 160 þúsund snjallmæla á veitusvæði fyrirtækisins.

Með tilkomu snjallmæla þarf fólk ekki lengur að lesa af mælinum heima hjá sér því mælarnir senda Veitum sjálfkrafa gögn um notkun á rafmagni og heitu vatni á heimilinu. Gögnin berast reglulega yfir sólarhringinn og gefa einnig upplýsingar um gæði. Snjallmælarnir eru ekki einungis gagnlegir fyrir viðskiptavini sem nú fá tækifæri til að fylgjast með og stýra sinni eigin notkun betur heldur er ávinningurinn margvíslegur fyrir Veitur og samfélagið í heild.

„Hingað til að hafa Veitur haft takmörkuð gögn um notkun viðskiptavina en með snjallmælunum fáum við innsýn í hvernig notkunin dreifist yfir daginn, vikur eða mánuði. Þannig getum við hjálpað viðskiptavinum að stýra notkun sinni betur og komið fyrr auga á frávik og bilanir. Þannig gefst tækifæri til að spara orku, vernda auðlindina og lækka rafmagnsreikninginn,“ segir á heimasíðu Veitna. Þar segir einnig að ef upp kemur bilun sem veldur vatns- eða rafmagnsleysi munu snjallmælarnir hjálpa Veitum að staðsetja vandamálið með skjótum hætti. „Það þýðir að okkar viðbragð við slíkum truflunum á rekstrinum verður skjótara og þar með verður viðgerð lokið fyrr en ella. Þannig geta snjallmælarnir sparað tíma og minnkað óþægindi viðskiptavina vegna óvæntra bilana.“

Snjallmælavæða dreifikerfi vatns og rafmagns