Gular og appelsínugular veðurviðvaranir Veðurstofunnar eru í gildi fyrir mestallt landið í dag. Á Umferðin.is kemur fram að hálka eða hálkublettir eru á flestum leiðum í landshlutanum og eitthvað um éljagang. Á Kjalarnesi þurfa ökumenn að gera ráð fyrir að grjót og leðja geti verið á veginum eftir sjógang. Á Fróðárheiði á Snæfellsnesi er óveður og því mjög varasamt að vera þar á ferð. Á Holtavörðuheiði eru hálkublettir og éljagangur og enn er óvissustig í gildi á veginum. Í Dölum er varað við slæmu ástandi vegarins við Gröf vegna brothola á stuttum kafla. Ökumenn eru beðnir um að draga úr hraða og aka varlega um svæðið.