medium

large

thumbnail

1536x1536

2048x2048

small

custom-size

Framboðsfundur í beinni hér í kvöld kl. 18:10

Amma Andrea og Flotinn hlutu viðurkenningu Barnaheilla

Fjórða tap Snæfells í röð kom á móti Fjölni

Mikil eftirspurn eftir greiðslumarki í sauðfé

Allnokkrir ökumenn í símanum við aksturinn

Stýrivextir ögn niður

core/paragraph

Hryllingsmyndahátíðin Frostbiter verður haldin á Akranesi í níunda skiptið um helgina. Hún hefst í dag klukkan 18 á Vesturgötu 48 (gamli Kiwanis salurinn), sem er heimili annars skipuleggjandans, með sýningu á myndinni Clownie &amp; The Satanic Cult. Leikstjóri myndarinnar, Bjarni Gautur, situr svo fyrir svörum eftir sýningu myndarinnar. Eftir það eða klukkan 20 um kvöldið verður haldið uppistand og hryllings barsvar (pubquiz) á Lighthouse Restaurant á Kirkjubraut 8-10.

Að sögn Ársæls Rafns Erlingssonar skipuleggjanda verða alls sýndar 30 stuttmyndir alls staðar að úr heiminum en þar má nefna lönd eins og Indland, Spán, Bandaríkin, Bretland og auðvitað Ísland ásamt fleirum. Myndirnar verða sýndar í Tónbergi, sal tónlistarskólans á morgun, laugardag, frá klukkan 15 til 21.

Eftir það verður förinni heitið í keilusalinn á Vesturgötu 130 klukkan 21:30 þar sem tilkynntur verður sigurvegari stuttmyndahlutans og afhentir verðlaunagripir sem Brynjar Mar hannaði og smíðaði. Hátíðin endar svo á því að Bergur Líndal eldar kjötsúpu ofan í gesti og gangandi.

core/image

Frostbiter hefst á Akranesi í dag