Landbúnaðarsafnið á Hvanneyri hefur fengið til liðs við sig valinkunna sagnamenn sem jafnframt eru miklir veiðimenn og munu þeir segja Veiðisögur í Landbúnaðarsafninu á Hvanneyri annað kvöld, föstudaginn 15. nóvember kl. 18:00. Órjúfanlegur hluti laxveiða er að sagðar eru sögur af veiðunum, stóra fiskinum sem slapp, hrakförum (oftast annarra) og ýmsum öðrum uppákomum. Margar þessara sagna hafa lifað um langa hríð en á hverju ári verða til nýjar.