„Við vorum að koma með aðra prentun af bókinni um Fornahvamm sem kom út í fyrra og seldist upp. Núna er bókin að koma út á kilju,“ segir María Björg Gunnarsdóttir sem skráði og gaf út bókina um Fornahvamm í Norðurárdal.

„Viðbrögðin við bókinni hafa verið ótrúlega góð enda staðurinn að hverfa úr hugum landsmanna eftir að þjónusta við vegfarendur var hætt í Fornahvammi og flest húsin hafa verið rifin. En ótrúlega margir eiga minningar frá staðnum í gegnum árin og þeir geta nú á nýjan leik náð sér í eintak af bókinni,“ segir María.