Selfoss og Snæfell mættust í 1. deild kvenna í körfuknattleik á laugardaginn og var leikurinn í Vallaskóla á Selfossi. Heimakonur voru sterkari aðilinn fyrstu mínúturnar en Snæfellskonur komu sér fljótlega inn í leikinn og staðan var 13:11 fyrir Selfossi eftir fimm mínútna leik. Fram að lokum fyrsta leikhluta skiptust liðin á að ná forystu og staðan við lok hans var 21:23, Snæfelli í hag. Um miðjan annan leikhluta var staðan 37:33 fyrir Selfossi og þegar honum lauk voru heimakonur komnar með sjö stiga forskot, staðan 47:40 í hálfleik.