Um síðustu helgi fór fram Íslandsmót í tvímenningi í keilu. Þar áttu Skagamenn fulltrúa að vanda. Metfjöldi þátttakenda var í forkeppninni sem fór fram á laugardeginum og hófu níu leikmenn frá Keilufélagi Akraness keppni; Matthías Leó og Magnús Sigurjón, Tómas Freyr og Guðmundur, Nína Rut og Jóhanna Nína, Vilborg og Ársæll og Ísak Birkir sem spilaði með Mikael Aroni úr KFR.