Gul veðurviðvörun vegna hvassviðris er í gildi á landinu öllu og stendur fram eftir degi á morgun, en ekki er gert ráð fyrir því að dragi úr vindi fyrr en um 18 á morgun. Samkvæmt upplýsingum á vef Veðurstofu Íslands er sunnan og suðvestan hvassviðri eða stormur, 15-25 m/s og búast má við því að vindhviður geti sumstaðar farið yfir 35 m/s við fjöll. Varasamt er fyrir ökutæki sem eru viðkvæm fyrir vindi.