Í bókinni Fótboltaspurningar 2024, eftir Guðjón Inga Eiríksson, er farið um víðan völl og hér koma nokkur dæmi (svörin eru neðst):

1. Hvaða lið lék í fyrsta sinn í Bestu deild karla árið 2024?

2. Hverrar þjóðar er William Saliba, leikmaður Arsenal?

3. Hvaða félag í Reykjavík var stofnað 11. febrúar 1988?

4. Um hvern er fjallað og það fyrstan af öllum og öllu í bókinni Stafróf knattspyrnunnar – því miður er hann látinn, en nafn hans byrjaði á bókstafnum A og hann vann sér það meðal annars til frægðar að skora sex mörk á einni helgi, fimm þeirra fyrir félagslið sitt í Þýskalandi á laugardegi og eitt fyrir íslenska landsliðið á sunnudegi og voru þetta jafnframt einu mörkin í þessum leikjum?

5. Hvaða knattspyrnukona úr Þór/KA rauf hundrað marka múrinn í A-deildinni þegar lið hennar sigraði Stjörnuna 4-1 um miðjan júní 2024, en þá skoraði hún tvö mörk og hafði þá gert alls 101 mark í efstu deildinni?

6. Goðamótið er knattspyrnumót fyrir 6. og 5. flokk stúlkna og drengja. Hvaða lið stendur fyrir þessu móti?

7. Hver á þennan knattspyrnuferil: AIK – Borussia Dortmund – Willem II (lán) – Real Sociedad – Newcastle?

8. Hvaða þjóð tryggði Olga Carmona García heimsmeistaratitil kvenna árið 2023 með marki sínu í 1-0 sigri á Englendingum í úrslitaleiknum?

9. Joshua Zirkzee, leikmaður Manchester United, var kallaður inn í hollenska landsliðshópinn á síðustu stundu fyrir EM 2024 vegna meiðsla þar. Fyrir vikið varð hann að hætta við heimsókn í ákveðið land, sem þó er ekki sjálfstætt land, svo að því sé nú bara skellt hér fram. Það er aftur á móti vel þekkt og vinsælt fyrir skemmtanagildi sitt. Hvaða land er þetta?

10. Hversu mörg lið eru í Bestu deild kvenna?

Svör: 1. Vestri. 2. Franskur. 3. Fjölnir. 4. Atla Eðvaldsson. 5. Sandra María Jessen. 6. Þór. 7. Alexander Isak. 8. Spánverjum. 9. Disneyland (í Flórída). 10. Tíu.

Fótboltaspurningar 2024 komin út