medium

large

thumbnail

1536x1536

2048x2048

small

custom-size

Hildur SH komin til heimahafnar í Rifi

Slæmt ferðaveður frá klukkan 20 á aðfangadagskvöld

Ráðuneyti samgöngu- og sveitarstjórnarmála að nýju

Bókagjöf til Grunnskóla Snæfellsbæjar

Engan sakaði þegar bíll lenti á hliðinni

Óskum gæludýrum gleðilegra jóla!

core/paragraph

Fjölmennur bændafundur var haldinn í gærkvöldi, föstudaginn 8. nóvember, í félagsheimilinu Þinghamri í Varmalandi. Bændasamtök Íslands hafa staðið fyrir fundaherferð um landið undir yfirskriftinni Á grænu ljósi landbúnaðarins og fundurinn í Varmalandi var sá 11. í röðinni af fjórtán og um leið sá fjölmennasti, en um 70 manns mættu í Þinghamar.

Trausti Hjálmarsson, formaður Bændasamtaka Íslands, var með framsögu og fór yfir ýmis mál sem varða landbúnað. Hann minnti á að það styttist í búvörusamninga og sagði frá því að samtökin væru að búa sig undir þá með ýmissi gagnaöflun og skýrslugerð og ekki síst því að heyra í bændum, eins og umrædd fundaröð ber vitni um.

Töluverðar umræður sköpuðust á fundinum og ljóst að margt brennur á bændum. Ber þar hæst áhyggjur af nýliðun í stéttinni, en meðalaldur bænda er býsna hár. Það getur reynst þrautin þyngri fyrir ungt og áhugasamt fólk að koma sér inn í greinina. Þá var mikið rætt um ásókn fjársterkra aðila í land og að það væri oft erfitt að standast þau gylliboð sem oft og tíðum væru ítrekað borin upp við bændur um að selja land.

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2024/11/Ahyggjur-og-bjartsyni-i-bland-a-baendafundi_2-1200x900.jpg" alt="" class="wp-image-84865"/><figcaption>Trausti Hjálmarsson, formaður Bændasamtaka Íslands.</figcaption></figure>

Ýmsir sem tóku til máls sögðust þó vera bjartsýnir fyrir hönd bænda og landbúnaðar. Fjölmörg tækifæri hefðu skapast til aukinnar tekjuöflunar og það að jarðarverð hækki, með ásókn í land, sé ekki bara neikvætt. Þá töldu bæði bændur og forysta samtakanna að nú væri lag að ná hagstæðum búvörusamningum og undirbúningsvinna Bændasamtakanna myndi skipta verulegu máli í því.

Trausti lauk fundinum með því að segja að það væri eðlilegt að bændum liði eins og það sé ógn við samfélagið að sífellt sé verið að sækjast eftir landi þeirra, að riddarar komi til að planta trjám, fylla dalinn af sumarhúsum, svo eitthvað sé nefnt. Þetta sýndi þó að það væru tækifæri fyrir bændur. „Gerum þessi héröð, þetta land, þessa skóga að okkar. Það er aðeins einn aðili sem á meira land á Íslandi en bændur og það er íslenska ríkið. Gerum þetta að okkar,“ sagði Trausti að lokum.

Nánar verður fjallað um fundinn í næsta tbl. Skessuhorns sem kemur út á miðvikudag.

Fréttaveita Vesturlands

Áhyggjur og bjartsýni í bland á bændafundi