Sögufélagið Steini á Kjalarnesi býður upp á fyrirlestur og samtal um skrímsli í félagsheimilinu Fólkvangi á morgun, laugardaginn 9. nóvember klukkan 13:00. Yfirskrift viðburðarins er „Hvað býr í djúpinu? Vatnaskrímsli á Íslandi og sjávarskrímsli við Ísland,“ en Þorvaldur Friðriksson, fyrrverandi fréttamaður, flytur þar erindi. Þorvaldur er höfundur bókarinnar Skrímsli í sjó og vötnum á Íslandi, sem kom út í fyrra.