medium

large

thumbnail

1536x1536

2048x2048

small

custom-size

Húsfyllir á bingói Lighthouse fyrir Styrktarsjóð Ömmu Andreu – myndasyrpa

Hlýindi og leysingar á öllu landinu og hætta á krapaflóðum

Varað er við hvassviðri í dag og asahláku

Úr sarpi – Vigfús fagnar aldarafmæli sínu eftir rétta viku

Óformleg skoðun á sameiningu Dala og Húnaþings vestra

Hafsteinn gaf tónlistarskólanum safn bóka

core/paragraph

Hið árlega Skammhlaup var haldið í Fjölbrautaskóla Vesturlands á Akranesi (FVA) í gær, fimmtudaginn 7. nóvember. Skammhlaup er árlegur og hefðbundinn íþróttaviðburður sem hófst í skólanum fyrir að minnsta kosti 30 árum samkvæmt fornum annálum. Þá keppa nemendur sín á milli í ýmsum bóklegum og verklegum keppnisgreinum, eins og tungumálaþrautum, stígvélakasti, sippi og söng. Nemendum er skipt í lið sem hlýða sínum liðsstjóra.

Fjólubláa liðið vann

Fjörið hófst með pylsupartýi í mötuneytinu og síðan var skrúðganga niður í íþróttahúsið á Vesturgötu. Þar fór keppnin fram í margvíslegum greinum, milli liða og við lið starfsfólks skólans. Þegar keppni lauk barst leikurinn aftur upp í skóla og þar voru síðustu keppnisgreinarnar. Á stigatöflu í salnum var hægt að fylgjast með framgangi keppninnar. Loks voru úrslit kynnt og verðlaun veitt. Í ár vann fjólubláa liðið!

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2024/11/Skammhlaup-i-FVA.jpg" alt="" class="wp-image-84839"/><figcaption>Reiptog var á meðal keppnisgreinanna.</figcaption></figure>

Ball með Aroni Can

Um kvöldið var Hrekkjavökuball í skólanum. Óhætt er að segja að tónlistarmaðurinn Aron Can hafi vakið lukku meðal ballgesta og var stappað á dansgólfinu. Tæp 60% nemenda blésu í áfengismæli við innganginn sem er mjög gott en við að blása í mælinn fá nemendur nafn sitt í útdrátt og eiga kost á vinningi. Ánægjulegt var að Foreldraráð FVA styrkti Edrúpottinn myndarlega. Dregið verður úr pottinum eftir helgina. Öflug gæsla er jafnan á böllum í Fjölbraut en krakkarnir voru í heildina til mikillar fyrirmyndar.

Það voru þreyttir en sælir nemendur í Fjölbraut sem lögðust á koddann um miðnætti eftir viðburðaríkan dag og fjörugt ball.

Fréttaveita Vesturlands

Skammhlaup í FVA