medium

large

thumbnail

1536x1536

2048x2048

small

custom-size

Jólablað Skessuhorns nú víða uppselt á lausasölustöðum

Lífið um borð í Hring SH 153 – myndasyrpa

Áfram éljagangur og vetrarfærð á fjallvegum

Útköll vegna óveðurs um jólahátíðina

Áfram hvasst en veður gengur heldur niður upp úr miðjum degi

Gleðileg jól!

core/paragraph

Öryggisáætlun ferðaþjónustu jöklaferða verður hluti leyfisveitingaferlis, verði tillögur starfshóps ráðuneytisstjóra forsætis-, menningar- og viðskipta-, umhverfis-, orku- og loftlags- og dómsmálaráðuneyta að veruleika. Starfshópurinn, sem skipaður var í kjölfar banaslyss &nbsp;í jöklaferð á Breiðamerkurjökli í ágúst, hefur nú skilað af sér minnisblaði um málið. Hópurinn kallaði eftir ýmsum gögnum og fundaði með fjölmörgum aðilum, m.a. Borgarbyggð, en alls bjóða sjö ferðaþjónustaðilar upp á jöklaferðir í Langjökli.

Banaslysið í Breiðamerkurjökli varð í skipulagðri jöklaferð 26. ágúst sl. Strax fór af stað hávær umræða um auknar kröfur til skipuleggjenda jöklaferða og einhver kölluðu eftir því að sett yrði bann við slíkum ferðum yfir sumartímann. Starfshópurinn mælir hins vegar ekki með banni á jökla- eða íshellaferðum, hvort sem er á ákveðnum tímum eða svæðum. Í því efni verði að hafa huga almannaréttinn um frjálsa för fólks um landið og atvinnufrelsisákvæði stjórnarskrár. Hins vegar sé hægt að leggja til takmarkanir á þeirri meginreglu ef það leiði af niðurstöðu áhættumats á tilteknum svæðum fyrir tilteknar tegundir ferða.

Starfshópurinn leggur fram tillögur í sjö tölusettum liðum:

Nr. 1.&nbsp;&nbsp; Öryggisáætlun ferðaþjónustuaðila jöklaferða verði hluti leyfisveitingaferils

Nr. 2.&nbsp;&nbsp; Auknar kröfur verði gerðar í samningum Vatnajökulsþjóðgarðs við ferðaþjónustuaðila um menntun og reynslu leiðsögumanna

Nr. 3.&nbsp;&nbsp; Sömu kröfur verði gerðar til ferðaþjónustuaðila á þjóðlendum og í þjóðgörðum með nýtingarsamningum við sveitarfélög

Nr. 4.&nbsp;&nbsp; Menntun leiðsögumanna verði betur tryggð innan menntakerfisins og/eða með stuðningi við Félag fjallaleiðsögumanna

Nr. 5.&nbsp;&nbsp; Unnið verði áhættumat á jöklum sem nýtt verði til að meta áhættu í skipulögðum jöklaferðum

Nr. 6.&nbsp;&nbsp; Haldin verði skrá um slys og óhöpp í ferðaþjónustu.

Samantekt starfshópsins verður vísað til nánari úrvinnslu innan starfshóps á vegum menningar- og viðskiptaráðherra um bætt öryggi ferðamanna, en sá starfshópur tók til starfa í september á grundvelli þingsályktunar um ferðamálastefnu og aðgerðaáætlun til 2030 sem samþykkt var í júní sl.

Fréttaveita Vesturlands

Öryggisáætlun í jöklaferðum skylda