medium

large

thumbnail

1536x1536

2048x2048

small

custom-size

Nítján menningarverkefni hljóta styrk

Jólahús og jólagata Borgarbyggðar valin

Matsáætlun fyrir vindorkuver á Hælsheiði í skipulagsgátt

Ruslagámur brann í Grundarfirði

Allar sundlaugar á Akranesi og í Borgarnesi lokaðar

Tæplega fjórði hver íbúi á Akranesi sækir vinnu á höfuðborgarsvæðið

core/heading

<h2>Rætt við Örvar Bessason, eigenda Grillhúss Borgarness, um viðburðahald á veitingastaðnum</h2>

core/paragraph

Örvar Bessason flutti fyrst í Borgarnes þegar hann var á fermingaraldri og kláraði grunnskólagöngu sína við Grunnskóla Borgarness, en flutti þá til Hafnarfjarðar. Hann var ráðinn rekstrarstjóri Grillhúss Borgarness en síðar keypti hann veitingastaðinn. Skessuhorn settist niður í lok hádegismatar á veitingastaðnum og náði að spjalla við Örvar.

Efasemdir um að flytja í Borgarnes

Örvar var við störf í Krísuvík, vann við að aðstoða einstaklinga við að ná tökum aftur á lífinu. Þá kynntist hann konu frá Borgarnesi og hóf hann að venja komur sínar yfir Borgarfjarðarbrúna. „Ég hitti ægilega sæta stelpu úr Borgarnesi, Helenu Guðmundsdóttur, og vorum við búin að vera að hittast í dágóðan tíma. Ég hafði haft efasemdir um að flytja í Borgarnes en þá fæ ég SMS í símann en þá var það Þórður Bachmann sem átti Grillhúsið í Borgarnesi. Hann var þá búinn að heyra að ég væri hér á ferðinni en væri að vinna á höfuðborgarsvæðinu. Hann bauð mér rekstrarstjórastöðuna og ég byrjaði í september 2023,“ nefnir Örvar og heldur áfram: „Hann Þórður auglýsti þetta til sölu um áramótin og þá hugsaði ég hvað ég ætti eiginlega að gera. Ég heyrði í frænda mínum, Ásgeiri Valgarðssyni, sem er með veitingastaði í Reykjavík og við fengum reyndan rekstrarmann með okkur og þann 1. febrúar 2024 fengum við lyklana og trekktum í gang,“ segir Örvar.

Allir taka mér vel

Talið berst að því hvernig Örvari var tekið í Borgarnesi. „Á hverjum einasta degi sem ég mæti hérna í vinnuna, alla daga, þá á ég ekki til orð yfir hversu vel mér er tekið. Ég er meðvitaður um að ég tek pláss og reyni að vera virkur í samfélaginu. Er nú kominn í yngri flokka ráð í körfuboltanum, var fyrsta veturinn í kirkjukórnum eða þangað til að ég áttaði mig á því að ég gæti ekki verið alls staðar. En mér finnst alveg geggjað að vera kominn heim, í fyrsta skipti í áratugi, þá finnst mér ég vera kominn heim,“ segir Örvar.

Hljómaði krúttlegt

Nýlega var sett upp aðstaða fyrir pílukeppni á Grillhúsinu en það er vinsælt hjá fyrirtækjum og vinahópum að leigja sal. Einnig er aðstaða fyrir íþróttaáhugafólk í húsinu. „Það hefur verið lyftistöng hér í húsinu að fá þessa píluaðstöðu inn og er þetta gríðarlega vinsælt hjá hópum. Einnig er mikil ásókn á boltaleiki um helgar. Þetta hljómaði vel í eyrum mér þegar ég keypti og sagði ég svona við vinafólk mitt að ég var að kaupa veitingastað í Borgarnesi. Svona lítið og krúttlegt. En það er ekkert krúttlegt við þetta lengur, því starfsemin hefur vaxið gífurlega og er ég þakklátur fyrir það,“ segir Örvar og brosir en sér hann fyrir sér fleiri breytingar eða slíkt? „Já, að sjálfsögðu. Ég væri til í að vera með veislusal einhvers staðar í húsinu en ég veit ekki hvernig eða hvenær ég útfæri það. Ég ætla að reyna að fá trúbadora til að koma og spila, halda áfram með konukvöldin en vinkona mín úr Blush kom hér með kynningu og seldi heilan sendibíl af titrandi glaðningi, það var lyginni líkast. Allir sögðu við mig þegar ég var að byrja að þetta gengi ekki hérna í Borgarnesi, að það mætir enginn á svona viðburði. En ég hef aðra trú á því,“ segir Örvar.

core/image

<figure class="wp-block-image size-full"><img src="https://umsjon.skessuhorn.is/wp-content/uploads/2024/11/THvi-fleiri-veitingastadir-thvi-betra_3.jpg" alt="" class="wp-image-84734" /><figcaption>Blúshátíð sem haldin var í ár á Grillhúsinu. Ljósm. úr einkasafni.</figcaption></figure>

Áhugamaður í tónlist

Örvar náði að kalla saman kunningja og vini af höfuðborgarsvæðinu til að halda blúshátíð í Borgarnesi. „Ég er ekki þannig tengdur við tónlistarsenuna en ég er svona áhuga tónlistarmaður. Þetta var einhver hvatvís hugmynd sem ég fékk og var framkvæmd á stuttum tíma. Ég þekki marga sem eru bæði áhuga- og atvinnu tónlistarfólk og þetta byrjaði bara með samtali, einhver hugmynd sem ég kom með til kunningja. Við tók mikið skipulag og gríðarlegur agi, svo að allt saman myndi ganga upp. Ég prófaði að sækja um styrk fyrir hátíðinni og gekk hátíðin mjög vel. Það var frítt inn á þá hátíð en ég er nú búinn að sækja um fyrir annarri slíkri hátíð og ég býst við að ég hafi einhvern aðgangseyri í þetta skiptið. Næsta blúshátíð verður 1. mars á næsta ári og er búið að bóka frábær atriði á hana,“ nefnir Örvar.

<figure class="wp-block-image size-large"><img src="https://umsjon.skessuhorn.is/wp-content/uploads/2024/11/THvi-fleiri-veitingastadir-thvi-betra_2-1200x672.jpeg" alt="" class="wp-image-84733" /><figcaption>Frá Bubba tribute tónleikum á Grillhúsi nú í október. Ljósm. Magdalena Þöll Úlfarsdóttir.</figcaption></figure>

Bubba tribute tónleikar

Nýverið fóru fram tónleikar á Grillhúsinu þar sem áhugafólk í tónlist hélt tónleika og varð fljótlega uppselt. „Þetta voru heimamenn sem sáu um að búa til þetta skemmtiatriði og svo voru tveir atvinnumenn sem komu að spila en allt hitt var áhugafólk. Það er ekki sjálfgefið að fólk mæti og sjái áhugafólk spila á hljóðfæri og borgi sig inn. En það höfðu allir gaman, frá starfsfólkinu sem voru að bera fram mat og drykki í gestina og í fólkið sem var uppi á sviði að skemmta. Smá stress en bara gaman og við höfum bara fengið að heyra jákvætt eftir þessa tónleika, svo að stefnan er að halda þessu áfram,“ segir Örvar.

Reimað á sig þjónasvuntuna

Spjall okkar berst yfir í týpískan dag hjá Örvari. „Ég mæti hér klukkan átta og er inni á skrifstofu til að verða ellefu en þá fer ég í matarsendingar. Síðan reima ég á mig þjónasvuntuna og tek á móti viðskiptavinum. Eftir hádegi er það að senda og svara tölvupósti og er ég búinn klukkan fjögur. Það er búið að vera hér sami kjarni af starfsfólki, lítil endurnýjun sem er mjög öflugt og er það dýrmætasta sem svona fyrirtæki hefur. Það er þessi kjarni sem er orðinn pínu eins og fjölskylda. Ég er með fjölskyldumeðlimi frá Úkraínu, Póllandi, Litháen og frá Íslandi í vinnu og er ég mjög ánægður með stöðuna hér í dag,“ segir Örvar og bætir við: „Minn skilningur á því að vera veitingamaður er að því fleiri veitingastaðir því betra. Því meira sem þú getur gert til að styðja aðra, því betur gengur svæðinu í heild sinni. Ef svæðinu gengur betur, þá gengur þér betur í þínum rekstri,“ segir Örvar í lokin.

<div class="wp-block-image"><figure class="aligncenter size-full"><img src="https://umsjon.skessuhorn.is/wp-content/uploads/2024/11/THvi-fleiri-veitingastadir-thvi-betra_4.jpg" alt="" class="wp-image-84735" /><figcaption>Örvar og Helena eftir vel heppnaða blúshátíð. Ljósm. úr einkasafni.</figcaption></figure></div>

Fréttaveita Vesturlands

Því fleiri veitingastaðir því betra