Í dag var opnuð listsýning í Safnahúsi Borgarfjarðar í Borgarnesi. Það eru nemendur í STEAM áfanga Menntaskóla Borgarfjarðar sem standa að sýningunni. „Sýningin er unnin út frá þemanu náttúruvísindi, sköpun og samfélag og hafa nemendur verið að vinna að sköpun sinni og rannsóknum frá því í byrjun haust. Alls eru 44 nemendur sem voru í áfanganum og koma að þessari sýningu. Náttúran í nærumhverfinu var innblástur margra og listræn sköpun var leiðarstef í gegnum verkefna vinnuna. Nemendur höfðu tækifæri á að nýta sér áhugasviðsvið sín í verkefna vali og fara í þekkingarleit til að dýpka og stækka hugmyndir. Útkoman sem hér er sýnd er afar fjölbreytt og bjóðum við ykkur öll velkomin að njóta,“ segir í sýningarskrá.