Í kvöld og nótt er spáð vaxandi austanátt og fer að rigna, fyrst sunnan heiða. Á morgun verður sunnan 15-23 m/sek og rigning, en úrkomulítið á norðaustanverðu landinu. Hiti 7 til 15 stig, hlýjast norðaustanlands. Suðvestan 20-28 m/sek norðan heiða eftir hádegi, en talsvert hægari syðra. Appelsínugul viðvörun er um allt norðanvert landið á morgun en gul hér vestanlands frá því í fyrramálið og fram á miðjan daginn. Hvassast verður á norðanverðu Snæfellsnesi. Skúrir verða í fyrstu en breytist í slydduél með kólnandi veðri.